19 iku lelaki benung rindang makai dadah ditangkap ba dalam kebun kelapa sawit - Berita Iban Online

Header Ads

  • Baru Nyadi

    19 iku lelaki benung rindang makai dadah ditangkap ba dalam kebun kelapa sawit

    Sekeda ari orang ke gian makai dadah ke ditangkap lebuh Ops Sarang dipejalaika raban polis ari Opis Polis Pampang Seberang Perai Utara (SPU).

    SEBERANG PERAI: Urung penyampau 19 lelaki dipechayaka benung rindang 'feeling' tauka nyamai asai pala pengudah makai dadah ditangkap ba dalam kebun kelapa sawit di Kampung Lembah Raja, Pinang Tunggal, Tasek Gelugor, ditu, lemai kemari.

    Kesemua saspek lelaki peranak menua Malaysia beumur antara 18 nyentu 53 taun nya ditangkap dalam Ops Sarang dipejalaika raban polis ari Opis Polis Pampang Seberang Perai Utara (SPU) urung jam 5 lemai.

    Ketuai Polis Pampang SPU, Asisten Komisioner Noorzainy Mohd. Noor, madahka asil pansik silik raban polis bisi tetemuka dadah bansa heroin enggau syabu.

    "Asil tanya pansik, dadah nya dijual enggau digaga ba palan endur orang ke gian makai dadah nya enggau kesemua perengka ke dirampas urung penyampau mata duit RM314," ku iya lebuh dirandau pengarang berita diatu tadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads