2 parai, siku selamat, lenyau ngiga buah maram - Berita Iban Online

Header Ads

  • Baru Nyadi

    2 parai, siku selamat, lenyau ngiga buah maram

    KASIH AMAI: Dua iku parai tang siku agi diripotka selamat ba palan penusah ke nyadi.

    MUKAH: Dua ari tiga iku lelaki diripotka lenyau pengudah pansut ngiga buah maram ke dalam Kampung Bedanga kemari, ditemu parai sehari tu tadi.

    Tiga iku lelaki sekaban, Lawrence anak Jainal, 40 taun, Stanley anak Saka, 21 taun, enggau Duwat anak Jabu, 23 taun, diripotka pansut ari rumah ke nurun ke tanah tauka kampung, urung jam 7 pagi kemari tang nadai pulai ke rumah.

    Berindik ari nya, indai salah siku ari lelaki nya irau ke pengelikun sida iya, lalu ngangauka raban bomba kena mantu ngiga enggau nyelamatka mansa pagi tadi.

    Pengari Operasyen Opis Bomba enggau Penyelamat Malaysia (JBPM) Sarawak, madahka operasyen Ngiga enggau Nyelamatka mansa dipejalaika ba pelilih kampung besemak nengah jalai paya. 

    "Raban penyelamat tetemuka Stanley ba pun kayu, enda ngeleda sebedau tetemuka mansa kedua, Lawrence ba tanah puang urung penyauh 60 meter ari mansa keterubah.

    "Mansa ketiga ianya Duwat mujur ditemu urung penyauh 50 meter ari mansa kedua, ke sama enda ngelada. Nitihka penerang ke diterima, mansa keterubah enggau ketiga diripotka parai ba palan penusah ke nyadi," ku iya lebuh ke dirandau pengarang berita, sehari tu tadi.

    Ku iya, Lawrence dipeda baka ke enda regas tauka lemi tulang mujur dibai raban penyelamat pansut ari palan penusah ke nyadi urung jam 12.35 tengah hari.

    Tang bangkai Stanley enggau Duat dibai pansut urung jam 2 petang, 10 minit pengudah nya bangkai mansa disuaka polis laban deka nganjung ke sepital kena bejalaika pengawa buntas tasat.

    Operasyen nya mega dibantu Raban Penyaga Pengelikun Malaysia (APM), polis enggau genturung pendiau. Operasyen tembu urung jam 2.30 lemai.

    Asil peresa ba sepital, ketetiga mansa nya bisi bekau pantuk ular ba tubuh mansa.

    Nitihka penerang ke diterima BeritaIban.com, kededua mansa ke parai nya dipechayaka digagai enggau bisi kena pantuk ular belalang ketegal bisi ngachau tansang ular nya.

    Lawrence mega bisi dipantuk ular beberapa kali ngejung ke iya enda ulih engkebut.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads