24 September 2018 - Hari Satu ba Minggu Ke Dua Puluh Lima Musim Selama - Berita Iban Online

Header Ads

  • Baru Nyadi

    24 September 2018 - Hari Satu ba Minggu Ke Dua Puluh Lima Musim Selama

    Ku Jesus bejaku ngagai orang mayuh: “Nadai orang nungkun lampu, lalu ngerungkup iya ngena bisin, tauka ngengkahka iya di baruh katil, tang ngengkahka lampu nya ba penuduk lampu, ngambika orang ke tama ulih meda penampak nya.

    24 September 2018 - Hari Satu ba Minggu Ke Dua Puluh Lima Musim Selama

    Bacha Ke Satu:

    Jaku Dalam 3: 27 - 34

    Enggau naka ulih kereja utai ti manah ngagai orang ke begunaka utai nya.

    Anang sekali-kali ngasuh orang ke berimbai pendiau enggau nuan, nganti ngagai pagila, enti nuan ulih nulung sida tekala nya.

    Anang bekira deka ngereja utai ti tau ngemediska orang ke berimbai pendiau enggau nuan. Sida diau berimbai enggau nuan, laban sida arapka nuan.

    Anang bekelikuh enggau nadai kebuah, enti orang nya nadai udah ngemediska nuan.

    Anang ngining pemangah orang, lalu anang diau nitihka jalai iya, laban TUHAN begedika orang ke ngereja penyai, tang Iya ngaga orang ke lurus nyadika pangan Iya.

    TUHAN nyumpah ruang bilik orang ke jai, tang merekatka ruang bilik orang ke lurus.

    Iya enda begunaka orang ke sumbung, tang Iya rinduka orang ke baruh ati.

    Masmur Entara:

    Masmur 15: 2 - 3A, 3BC - 4AB, 5

    Saut (peda 1): Orang ti lurus patut diau ba bukit Nuan ti kudus, O TUHAN.

    Ke Satu
    Semina orang ke ngasika Allah Taala dalam semua utai lalu seruran ngereja utai ti ngena, ke nyebut utai ti amat sereta tau dikarapka, lalu enda betenahka orang.

    Saut: Orang ti lurus patut diau ba bukit Nuan ti kudus, O TUHAN.

    Ke Dua
    Sida nadai ngereja penyalah ngagai pangan diri lalu sida enda mega nusui berita ngapa pasal pangan diri. Sida begedika orang ke ditulak Allah Taala, tang masa orang ke nangika TUHAN.

    Saut: Orang ti lurus patut diau ba bukit Nuan ti kudus, O TUHAN.

    Ke Tiga
    Sida nyali orang duit, lalu enda minta anak duit nya, lalu sida enda ulih diumpan makai suap nyadika saksi ngelaban orang ke nadai penyalah. Barang sapa ngereja utai tu, deka diau likun berari.

    Saut: Orang ti lurus patut diau ba bukit Nuan ti kudus, O TUHAN.

    Alleluia (peda Matthew 5: 16)

    Alleluia, alleluia
    Awakka penampak kita manchar ngagai orang, ngambika sida meda pemadas pengawa kita lalu ngemuliaka Apai kita ti di serega.
    Alleluia.

    Bacha Injil:

    Luke 8: 16 - 18

    Ku Jesus bejaku ngagai orang mayuh: “Nadai orang nungkun lampu, lalu ngerungkup iya ngena bisin, tauka ngengkahka iya di baruh katil, tang ngengkahka lampu nya ba penuduk lampu, ngambika orang ke tama ulih meda penampak nya.

    Laban nadai utai ti dilalai, enda dikebakka, lalu nadai utai ti resia, enda ditemu.

    Nya alai, pendingka enggau manah; laban orang ke bisi utai, deka diberi mayuh agi, tang orang ke nadai utai, indah utai ti mimit ti dikemisi sida, deh deka dirampas ari sida.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads