25 September 2018 - Hari Dua ba Minggu Ke Dua Puluh Lima Musim Selama - Berita Iban Online

Header Ads

  • Baru Nyadi

    25 September 2018 - Hari Dua ba Minggu Ke Dua Puluh Lima Musim Selama

    Udah nya indai enggau sida menyadi lelaki Jesus datai ngagai Iya, tang sida enda ulih betemu enggau Iya laban orang kelalu mayuh.
    25 September 2018 - Hari Dua ba Minggu Ke Dua Puluh Lima Musim Selama

    Bacha Ke Satu:

    Jaku Dalam 21: 1 - 6, 10 - 13

    TUHAN ngatur runding raja, ngemudah Iya ke ngatur arus sungai.

    Nuan nyangka ngumbai semua utai ti dikereja nuan ngena magang, tang ingat: TUHAN meresa juluk ati nuan.

    Kereja aja utai ti ngena sereta manah. Utai nya ngerinduka ati TUHAN, lebih agi ari piring ti dibai ngagai Iya.

    Orang ke jai diperintah ati ti sumbung sereta tinggi. Nya dikumbai bedosa.

    Bejimat lebuh nuan ngaga pelan, nya baru nuan deka bulih mayuh utai. Enti nuan kelalu beguai-guai ngereja utai, nuan nadai kala chukup utai.

    Pengaya ti ulih nuan ngena jalai tipu, deka jampat lesap, tang semina lebuh iya udah mai nuan ngagai pemati.

    Orang ke jai endang seruran inginka penyai. Sida nadai nemu kasihka orang.

    Lebuh orang ke sumbung diukum, orang ke enda nemu berunding bulih pelajar ari nya. Orang ke bepenemu-dalam deka bulih pelajar ari utai ti diajar ngagai iya.

    Allah Taala ti Lurus, nemu utai ti nyadi dalam rumah orang ke jai, lalu Iya deka ngerusak orang ke jai nya.

    Enti nuan enggai mendingka sabak orang ke seranta, sabak nuan empu ti minta tulung enda mega didingaka.

    Masmur Entara:

    Masmur 119: 1, 27, 30, 34, 35, 44

    Saut (peda 35): Iring aku TUHAN, nitihka pesan Nuan.

    Ke Satu
    Beberekat meh orang ke nadai ngereja penyalah, ke ngasika adat TUHAN.

    Saut: Iring aku TUHAN, nitihka pesan Nuan.

    Ke Dua
    Asuh aku meretika adat Nuan, lalu aku deka belematika pengawa Nuan ti badas.

    Saut: Iring aku TUHAN, nitihka pesan Nuan.

    Ke Tiga
    Aku udah mutuska runding deka tetap ati ngagai Nuan. Aku udah mendingka atur Nuan.

    Saut: Iring aku TUHAN, nitihka pesan Nuan.

    Ke Empat
    Asuh aku mereti, ngambika aku ngasika adat Nuan lalu nitihka iya enggau pengabis ati aku.

    Saut: Iring aku TUHAN, nitihka pesan Nuan.

    Ke Lima
    Iring aku nitihka pesan Nuan, laban aku rinduka iya.

    Saut: Iring aku TUHAN, nitihka pesan Nuan.

    Ke Enam
    Aku deka seruran ngasika adat Nuan, belama lama iya.

    Saut: Iring aku TUHAN, nitihka pesan Nuan.

    Alleluia (peda Luke 11: 28)

    Alleluia, alleluia
    Beberekat meh orang ke ninga 
    lalu ngasika jaku Allah Taala.
    Alleluia.

    Bacha Injil:

    Luke 8: 19 - 21

    Udah nya indai enggau sida menyadi lelaki Jesus datai ngagai Iya, tang sida enda ulih betemu enggau Iya laban orang kelalu mayuh.

    Orang lalu madah ngagai Iya, “Indai Nuan enggau sida menyadi lelaki Nuan bisi di luar, deka betemu enggau Nuan.” 

    Tang ku Iya bejaku ngagai sida, “Indai Aku enggau menyadi lelaki Aku nya orang ke ningaka jaku Allah Taala, lalu ngereja iya.”

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads