26 September 2018 - Hari Tiga ba Minggu Ke Dua Puluh Lima Musim Selama - Berita Iban Online

Header Ads

  • Baru Nyadi

    26 September 2018 - Hari Tiga ba Minggu Ke Dua Puluh Lima Musim Selama

    Ku Iya bejaku ngagai sida, “Anang mai utai lebuh kita bejalai: Anang mai tungkat, tauka kambut, tauka pemakai, tauka duit. Baju kena besilih pen enda meh tau mai.
    26 September 2018 - Hari Tiga ba Minggu Ke Dua Puluh Lima Musim Selama

    Bacha Ke Satu:

    Jaku Dalam 30: 5 - 9

    Allah Taala ngamatka semua semaya ti digaga Iya. Iya baka terabai ke semua orang ke minta diri dijaga Iya.

    Enti nuan ngumbai Iya bisi udah nyebut utai ti enda kala disebut Iya, Iya deka nganu nuan, lalu mandangka nuan nya orang ke bula.”

    Aku minta Nuan, Allah Taala, meri aku dua iti utai sebedau aku mati: Tagang aku bula, lalu awakka aku ukai kaya tauka seranta. Nya alai, beri ngagai aku pemakai umbas ke guna aku.

    Enti aku diberi lebih ari nya, enggai ke aku ngumbai diri enda begunaka Nuan. Tang enti aku seranta, aku enggai ke diri ngenchuri, lalu ngemaluka Allah Taala aku.

    Masmur Entara:

    Masmur 119: 29, 72, 89, 101, 104, 163

    Saut (peda 105): Leka jaku Nuan, O TUHAN nyadika lampu tenggau jalai aku.

    Ke Satu
    Kejangka aku jauh ari pendiau ti salah, 
    lalu ulih pengasih Nuan, ajar aku adat Nuan.

    Saut: Leka jaku Nuan, O TUHAN nyadika lampu tenggau jalai aku.

    Ke Dua
    Adat ti udah diberi Nuan besai agi reti ba aku ari semua duit emas enggau semua duit pirak di dunya tu.

    Saut: Leka jaku Nuan, O TUHAN nyadika lampu tenggau jalai aku.

    Ke Tiga
    Jaku Nuan, O TUHAN, deka meruan belama iya. Iya meruan belama iya di serega.

    Saut: Leka jaku Nuan, O TUHAN nyadika lampu tenggau jalai aku.

    Ke Empat
    Aku udah nyeliahka semua ulah ti jai, ngambika aku ulih ngasika jaku Nuan.

    Saut: Leka jaku Nuan, O TUHAN nyadika lampu tenggau jalai aku.

    Ke Lima
    Aku bulih penemu-dalam ari ajar Nuan, nya alai aku begedika semua perangai ti jai.

    Saut: Leka jaku Nuan, O TUHAN nyadika lampu tenggau jalai aku.

    Ke Enam
    Aku begedi sereta kejika semua pemula, 
    tang aku rinduka adat Nuan.

    Saut: Leka jaku Nuan, O TUHAN nyadika lampu tenggau jalai aku.

    Alleluia (peda Mark 1: 15)

    Alleluia, alleluia
    Perintah Allah Taala nyau semak! Nesal ati ke dosa kita, lalu arapka Berita Manah!
    Alleluia.

    Bacha Injil:

    Luke 9: 1 - 6

    Jesus lalu ngempuruka murid Iya ke dua belas, lalu meri sida kuasa muru semua antu, enggau ngeraika penyakit, lalu ngasuh sida madahka berita pasal Perintah Allah Taala, sereta ngeraika orang ke sakit.

    Ku Iya bejaku ngagai sida, “Anang mai utai lebuh kita bejalai: Anang mai tungkat, tauka kambut, tauka pemakai, tauka duit. Baju kena besilih pen enda meh tau mai.

    Sebarang rumah alai kita tama, diau dia, datai ke kita mupuk ari endur nya.

    Di sebarang endur orang enda nerima kita, tesai abus ari kaki kita nyadika saksi kena ngelaban sida lebuh kita angkat ari endur nya.”

    Sida murid mupuk, lalu bejalai nengah semua genturung pendiau, nusui Berita Manah, sereta ngeraika orang di semua endur.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads