4 September 2018 - Hari Dua ba Minggu Ke Dua Puluh Dua Musim Selama - Berita Iban Online

Header Ads

  • Baru Nyadi

    4 September 2018 - Hari Dua ba Minggu Ke Dua Puluh Dua Musim Selama

    Lebuh antu nya udah ngempaska lelaki nya di mua orang mayuh, iya lalu pansut ari orang nya, tang enda ngemediska iya.

    4 September 2018 - Hari Dua ba Minggu Ke Dua Puluh Dua Musim Selama

    Bacha Ke Satu:

    1 Korint 2: 10B - 16

    Menyadi:
    Roh Kudus mansik semua utai. Indah utai ti dalam buntut runding Allah Taala deh abis dipansik Iya.

    Laban sapa nemu runding mensia kelimpah ari roh mensia ti dalam mensia nya empu? Baka nya mega, nadai orang nemu runding Allah Taala, kelimpah ari Roh Allah Taala Empu.

    Nyadi kitai udah nerima, ukai roh dunya, tang Roh ti datai ari Allah Taala, ngambika kitai ulih meretika pemeri ti diberi Allah Taala ngagai kitai.

    Lalu kami bejakuka utai nya ukai ngena leka jaku ti diajar penemu-dalam mensia, tang ngena leka jaku ti diajar Roh Kudus, lebuh kami nerangka utai roh ngagai orang ke bisi Roh Kudus.

    Orang ke nadai Roh Kudus enda ulih nerima pemeri ti diberi Roh Allah Taala, laban utai nya baka ke beli ba iya, lalu iya enda ulih meretika utai nya, laban utai nya semina ulih ditemu ari tulung Roh Kudus.

    Orang ke bisi Roh Kudus nemu semua utai, tang iya empu enda ulih diakim orang.

    “Laban sapa nemu runding Tuhan, datai ke iya ulih ngajar Tuhan?” 
    Tang kitai bisi runding Kristus.

    Masmur Entara:

    Masmur 145: 8 - 9, 10 - 11, 12 - 13AB, 13CD - 14

    Saut (peda 17): TUHAN endang lurus dalam semua utai ti dikereja Iya.

    Ke Satu
    TUHAN endang rindu sereta kasih, 
    lubah ringat sereta penuh laban pengerindu ti meruan belama iya.
    Iya manah enggau semua orang 
    lalu siru enggau semua utai ti udah digaga Iya.

    Saut: TUHAN endang lurus dalam semua utai ti dikereja Iya.

    Ke Dua
    Semua utai ti idup ti udah digaga Nuan, O TUHAN, deka meri terima kasih ngagai Nuan, lalu semua nembiak Nuan deka muji Nuan. Sida deka bejakuka pasal mulia diraja Nuan lalu madahka pasal kuasa Nuan.

    Saut: TUHAN endang lurus dalam semua utai ti dikereja Iya.

    Ke Tiga
    Ngambika semua orang nemu pemesai pengawa Nuan enggau pemesai mulia perintah Nuan. Perintah Nuan endang meruan belama iya, lalu Nuan nyadi Raja belama iya.

    Saut: TUHAN endang lurus dalam semua utai ti dikereja Iya.

    Ke Empat
    TUHAN endang deka ngamatka semaya Iya. Iya endang ngayanka pengasih dalam semua pengawa Iya. Iya nulung orang ke dituntung penusah. Iya ngangkatka orang ke udah rebah.

    Saut: TUHAN endang lurus dalam semua utai ti dikereja Iya.

    Alleluia (peda Luke 7: 16)

    Alleluia, alleluia
    Nabi ke besai udah pegari ba bala kitai lalu Allah Taala udah datai nulung nembiak Iya.
    Alleluia.

    Bacha Injil:

    Luke 4: 31 - 37

    Jesus lalu mupuk ngagai Kapernaum, sebuah nengeri di menua Galili, lalu ngajar orang dia lebuh hari Sabat.

    Sida alit ati ninga ajar Iya, laban Iya bejaku ngena kuasa.

    Dalam balai gempuru nya bisi siku lelaki ke dirasuk antu. Iya nyerauh inggar amat, ku iya,

    “Nama utai ti deka dikereja Nuan ngagai kami, Jesus orang Nasaret? Kati Nuan deka ngerusak kami? Aku ngelala Nuan. Nuan tu Iya ti Kudus ari Allah Taala!”

    Tang Jesus ngerara iya, “Anang bejaku; pansut nuan ari iya!” 

    Lebuh antu nya udah ngempaska lelaki nya di mua orang mayuh, iya lalu pansut ari orang nya, tang enda ngemediska iya.

    Semua orang mayuh balat alit ati, lalu bejaku enggau pangan diri, “Jaku nama tu? Iya bisi kuasa merintah sereta muru roh ti jai, lalu sida pansut!”

    Berita pasal Jesus lalu ngelekai ngagai semua endur di menua nya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads