Header Ads

  • Berita Tebaru

    Anang nyadi lutur google!

    Ukai semua orang ke sakit tauka tabin patut makai ubat antibiotik!

    “Anak aku angat isi, batuk... Aku ka meri anak aku ubat antibiotik...” ku siku indai orang.

    Mayuh apai indai irau sereta enda lantang ati enti anak sida iya angat isi tauka tabin.

    Kelimpah ari nya, bisi mega bala apai indai lalu meri anak makai ubat antibiotik. Kenu ku iya enti enda makai ubat antibiotik tubuh anak majak angat tauka tusahka suman. 

    "Enti lutur enda meri ubat antibiotik, bisi ga mesan ba lutur ngasuh meri ubat antibiotik. Amai ke enda?", ku Dr Ezairy M.Sallih.

    Tabi basa ngagai bala pemacha kelebih agi ngagai bala apai indai, semua ubat ke diberi ngagai orang ke sakit tauka 'pesakit'.

    Kelebih agi ngagai anak mit ,meseti nitihka ubat ke patut diempa sida iya sereta bisi kebuah baru meri sida iya makai nya. Ukai beri makai ubat anti biotik aja, mesetika bisi 'indikasi'.

    Lutur sigi enda meri ubat ngagai orang ke sakit sengapa. Sida iya meri ubat nitihka 'justifikasi klinikal' ke patut aja.

    Anak kitai tabi meseti bisi kebuah. Tubuh anak kitai majak angat (suhu badan) pan nyadi ketegal ari 'tindak balas' ba dalam sistem tubuh kitai. Tabin tauka sakit ulih nyadi ari mayuh bengkah penanggul!. Ukai semua penyakit tauka tabin patut makai ubat antibiotik...

    ❗Tu sekeda ari penyakitka enda patut makai ubat antibiotik:

    1. Pedis rekung aja tauka raguk.

    2. Enda nyamai tubuh tauka pedis isi aja. 

    3. Asil peresa darah nadai rampit kuman 'bakteria'.

    4. Rampit virus enda ibuh antibiotik.

    Nya alai, ubat antibiotik enda ulih dibeli ba kaunter klinik enggau hospital. Orang ka sakit nya meseti diperesa lutur dulu. Anjung dulu anak nuan ke sepital tauka klinik besemak ngambika ulih diperesa lutur enggau silik agi..

    ❗️Sekeda ari tanda anak nuan engka patut makai ubat antibiotik:

    1. Angat isi lebih ari tiga hari enggau pedis rekung, batuk enggau renga. Tu patut diberi ubat antibiotik sepengudah orang ke sakit nya diperesa silik enggau dikemendarka ngena chara klinikal.

    2. Pedis pending enggau angat isi sereta bisi ai chura kuning pansut ari pending iya. Orang ke sakit nya patut diperesa silik enggau dikemendarka ngena chara klinikal.

    3. Penanggul sinusitis tauka resdung ke ditapi enggau tanda baka pedis pala, pedis idung, tabin enggau lendir sereta beinsak chura kuning tauka gadung. 

    4. Mayuh agi tanda 'simptom-simptom' kebukai patut diperesa ngena chara klinikal, ianya baka peresa darah enggau chunti dak kena nemu kuman tauka 'bakteria' ke ngerampit orang ke sakit nya.

    Betemu mih enggau lutur. Lutur sigi nulung, meri penerang silik sereta madahka nuan nama utai ti patut digaga nuan. 

    JAKU TANGKAN: Enti nuan ngasaika artikel tu beguna ba nuan, kunsi mih ba orang bukai tauka bala ke disayauka nuan. Ngambika mayuh agi orang bulih penemu sentang pasal ubat antibiotik tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: