Header Ads

  • Berita Tebaru

    ANGUS: Raban bomba mujur nyelamatka siku indu orang tuai, enda dapat bejalai

    Raban bomba benung bejalaika operasyen madamka api ba palan penusah angus nyadi.
           
    KUCHING: Raban bomba mujur nyelamatka siku indu orang tuai (warga emas) ke enda dapat bejalai (lumpuh), pengudah ke diibun iya enggau sida seruang bilik ba Kampung Cemerlang angus sehari tu tadi.

    Penusah angus nyadi urung jam 1.15 petang nya, siku indu beumur 82 taun udah mujur diselamatka raban bomba ke ngelaban api tama ke dalam rumah.

    Komander Operasyen Kanan, Azahar Dris, madahka raban bomba bisi nerima kangau bekaul enggau penusah angus ke nyadi urung 1.18 lemai.

    Ku iya, penyampau 19 iku raban bomba ari Balai Bomba enggau Penyelamat (BBP) Tabuan Jaya enggau BBP Batu Lintang berumban ngesah ke palan penusah angus ke nyadi ngambika ulih ngerara enggau ngemadamka api.

    Api benung ngelarai ba siling rumah.

    "Maya datai ba palan penusah kenyadi, raban bomba ngeripotka api benung nyelarai ba perabung enggau siling sebuah rumah setingkat struktur entap.

    "Raban bomba lalu bejalaika operasyen ngemadamka api tama ke dalam bangunan ngena perengkaguna bomba enggau nyelamat," ku iya lebuh ke dirandau pengarang berita, sehari tu tadi.

    Azahar ngelansa, asil pansuk tumu, siku indu tuai enggau lapan iku orang ke ngibun rumah nya diripotka selamat tauka nadai bakal.

    Ku iya, operasyen ngemadamka api temu urung jam 1.48 lemai.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: