ANGUS: Tujuh seruang bilik tinggal semina gari ke bisi ba tubuh aja
Cari Berita

Advertisement

ANGUS: Tujuh seruang bilik tinggal semina gari ke bisi ba tubuh aja

Chief Editor | Berita Iban MY
September 3, 2018

Raban bomba bejalaika operasyen ngemadamka api ba palan penusah nyadi. 📷@bombasarawak

KOTA SAMARAHAN: Tujuh seruang bilik tinggal semina gari ke bisi ba tubuh aja sepengudah rumah ke diuan sida iya angus diempa api ba Kampung Merdang Limau, ditu, tumu pagi tadi.

Nitihka penerang ari pengari Operasyen Opis Bomba enggau Penyelamat Malaysia (JBPM) Sarawak, madahlapan iku raban bomba diketuaika PBK II Kam Liman ari Balai Bomba enggau Penyelamat Kota Samarahan berumban ngesah ke palan penusah nyadi, sepengudah nerima kangau urung jam 1.51 tengah malam.

Tang taja pia ku iya, api udah nyerarai ba rumah setingkat separuh entap nya.

Operasyen ngemadamka api tembu urung jam 4.30 pagi sepengudah laluh bara api enggau api mit dipadamka 100 peratus.

Nadai penusah bebadi nyawa diripotka nyadi ba palan penusah nyadi.

Kebuah penusah angus nyadi enggau penyampau pengerugi agi dipansik.