Header Ads

  • Berita Tebaru

    Apai enggai meri duit, saspek mecahka semua cheremin jendila rumah sida iya

    GAMBAR PENGIAS: Cheremin jendila pecah. 📷#Grid.ID

    KEDAH: Semina ketegal enggai meri duit ke dipinta, saspek sanggup belaya enggau apai iya sebedau ngeransi enggau mecahka cheremin jendila rumah sida iya ba Jalai Istana Kampung Lubuk Kawah, Jitra, semalam.

    Penusah nyadi urung jam 3.30 lemai nya, saspek beumur 27 taun nya baru pulai ari rumah ipar lelaki iya ke enda jauh ari rumah apai iya laban deka nganjung barang.

    Ketuai Polis Pampang Kubang Pasu, Superintendan Mohd Ismail Ibrahim, madah saspek pengudah nya betemu enggau apai iya ba luar rumah enggau minta duit kena meli dadah.

    Ku iya, taja pia apai saspek enggai meri duit lalu ngejung ke seduai belaya sebedau saspek mecahka semua cheremin jendila rumah sida iya enggau urung ungkus pengerugi RM3,000.

    "Maya penusah nyadi, ipar lelaki iya bisi ninga randau seduai semenyanak nya belaya sebedau ninga munyi kacha pecah enggau berumban pansut ari rumah laban deka meresa sereta nemu nama utai ti nyadi.

    "Taja pia, saspek udah nadai diak pansut ngena motosikal sebedau 10 minit pengudah nya saspek datai baru enggau ngambi tung gis ba rumah mansa laban deka dijual iya," ku iya lebuh dirandau pengarang berita, sehari tu tadi.

    Mohd Ismail, madahka penusah tu ukai keterubah ia nyadi, tang udah suah nyadi enggau saspek ngereja pekara nya laban deka meli dadah. 

    "Ipar lelaki saspek pengudah nya ngaga ripot ba Balai Polis Jitra ngambika raban polis ulih bejalaika pengawa mansik.

    "Kes dipansik ari baruh Seksyen 427 Kanun Keseksaan" ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: