Header Ads

  • Berita Tebaru

    Apai nimbak anak beumur 6 bulan, indai enggai bai ngaga seks

    KASIH AMAI: Gambar kiba, saspek enggau bini iya (mansa) enggau gambar kanan, anak iya (mansa) beumur enam bulan ke diripotka parai ketegal ditimbak apai iya empu.

    BRAZIL: Siku apai nimbak anak iya ke beumur enam bulan ketegal bini iya enggai dibai iya ngaga seks tauka beleman. 

    Apai mansa (saspek) dikelala enggau nama Maycon Salustiano Silva, 25 taun, didawa mabuk enggau nginsap ganja sebedau nimbak anak lelaki iya, tumu pagi hari tiga tu tadi.

    Sebedau penusah nyadi saspek dipechayaka belaya enggau bini iya, Jeniffer, 20 taun, ba rumah sida iya di Luziania, Brazil. 

    Nitihka penerang ari polis, pengudah Jeniffer enggai dibai beleman, saspek lalu ngambi pistol ke bisi ditemu iya ba belakang sofa enggau nimbak anak iya. 

    Saspek nadai kala ngembuan rikod jenayah enggau iya madahka diri enda ingat tauka nama utai ke digaga iya empu pengudah mabuk enggau sebingau pala ketegal dadah.

    Mansa (anak saspek), Michel, diripotka parai ba sepital, dua jam pengudah penusah nyadi.

    Detektif Daniel Martins Ferreira, ke mansik kes nya madah, raban polis pechaya saspek ngeransi sereta ringat pengudah utai ke dipinta iya enda dititihka bini iya enggau lalu nimbak dada anak iya ke benung gali ba peninduk anak mit (katil budak kecil) ke bisi ba bilik panking apai indai iya.

    "Bini saspek madah, saspek ngasuh iya dani enggau mai iya beleman. Tang enda dikeibuhka bini iya laban bini iya lelak enggau enggai beleman enggau saspek. 

    "Saspek nganu enggau nyamah bini iya ngejungka seduai iya belaya. Saspek pengudah nya tama ke dapur laban deka ngirup air. Enda lama pengudah nya, saspek datai baru enggau megai pistol ba jari lalu nuju ke ngagai bini iya. 

    "Keterubah iya, saspek ngemba deka munuh bini iya. Tang bini iya ngaum saspek ngambika badu ringat, tang saspek nyau majak ringat sereta nganu enggau enda nemu berunding manah lalu nuju ke pistol nya ke dada anak iya.

    "Saspek madahka iya berani nimbak anak seduai iya sebedau ngachitka sekali (satu das) pistol ke dipegai iya nya," ku detektif lebuh dirandau pengarang berita. 

    Orang ke berimbai rumah enggau seduai iya pengudah nya lalu ngangauka polis urung jam 1.30 pagi. Tang raban polis madahka sida iya enda ulih ngiga ari ni munyi orang ke nyerauh ti ingar nya enggau ngetuka operasyen ngiga enggau nyidi. 

    Nitihka penerang ari orang ke berimbai rumah, "iya (bini saspek) bisi nyerauh minta bantu tang enda lama pengudah iya lalu nadai memunyi agi," ku iya. 

    Dua jam pengudah nya polis ngetu ngaga operasyen ngiga nya, ambulans datai ba rumah saspek. Mansa dianjung ke sepital tang diripotka parai maya benung diperubatka. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: