Apai parai ketegal nguji nyelamatka anak iya ari lemas - Berita Iban Online

Header Ads

  • Baru Nyadi

    Apai parai ketegal nguji nyelamatka anak iya ari lemas

     KASIH AMAI: Bangkai mansa ke nguji nyelamatka anak iya ari lemas maya mandi ba Pantai Teluk Tanjang Jara, dibai ke Bilik Forensik Sepital Dungun kena bejalaika pengawa buntas tasat. 📷#RosliIlham

    DUNGUN: Kemisi seruang bilik di Pantai Teluk Tanjung Jara, ditu, pengujung nyadi tragedi pengudah apai nguji nyelamatka anak iya lebuh sida mandi ba dia.

    Mansa dikelala enggau nama Peter Haw Tah Ming, 54 taun, siku 'tokey' tauka orang bisnes, diripotka lemas urung jam 4.30 lemai nya lebuh nguji ngelamatka anak lelaki iya ke dikelala nama Metthew Haw, 25 taun, dipechayaka nyau ka lemas.

    Bini mansa, Pang Siew Cheng, 53 taun, enda nyangka ulah laki iya ke nyelaie ari ngelamatu salah siti ari tanda iya deka mulai kediri ke batang mandai enggau ninggalka kami seruang bilik.

    “Kami seruang bilik datai kemisi ditu kenyau hari enam enggau pagila kami deka pulai ke Kuala Lumpur. Aku enda nyangka penusah ke pemadu sinu tu tau nyadi.

    “Sepemanjai kami kemisi, mansa siku orang ke bisnes semampai mayuh pengawa enggau ngaga kereja ngena kompita iya ba dalam bilik.

    “Tang sehari tu, mansa berupai amai nyelaie enggau madahka diri ngelusu ngereja pengawa. Kelimpah ari nya iya duduk begulai enggau kami ngelantangka ati ba pantai nya.

    “Aku enda nyangka, nya mih maya ti chukup berega lalu nyadika pengingat kepenudi lebuh kami begulai sama diri sebilik. Sebedau penusah nyadi,” ku iya lebuh dirandau Unit Forensik Sepital Dungun, ditu, malam tadi.

    Ngelansa penusah kenyadi, Siew Cheng madah, sebedau penusah nyadi iya begulai enggau laki iya bisi ba tisi pantai, tang dua iku anak iya Metthew enggau Daniel Haw, 20 taun, benung mandi.

    “Seduai dua mandi ba tebing pantai, enda mukai-mukai ditarit arus ke tengah tasik sebedau Metthew dipechayaka lemas enggau nyerauh minta bantu.

    “Laki aku alu belanda terejun ke dalam tasik enggau mujur nyelamatka Metthew, tang ngejungka laki aku lemas,” ku iya.

    Ku iya, kededua anak iya nya sempat naik niki ke pantai sebedau belanda minta bantu ari staf palan ngelantangka ati nya.

    “Beberapa iku staf terejun ke dalam tasik nya enggau mujur mai mansa niki ke pantai sereta sempat bejalaika bantu ngena seput sebedau mansa ditabanka ngena ambulans ke Sepital Dungun.

    “Tang mansa ngapuska seput ke penudi lebuh ba rantau jalai nuju ke sepital.

    “Taja pan aku chukup sinu ati, aku patut ngeringka ati napi penguji tu laban utai tu nyadi udah diatur Tuhan,” ku iya.

    Berebak enggau nya, Ketuai Polis Pampang Dungun, Superintendan Baharudin Abdullah, lebuh ke dikangauka pengarang berita ngena talipaun madahka penusah nya amat nya. 

    Ku iya, bangkai mansa ke udah tembu bejalaika pengawa buntas tasat disuaka ngagai bala seruang bilik urung jam 10 malam, ngambika ulih dibai pulai ke Kuala Lumpur enggau bejalaika pengawa nyengaie sereta nguburka mansa.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads