Bangkai siku lelaki ba tebing sungai Batang Rajang
Cari Berita

Advertisement

Bangkai siku lelaki ba tebing sungai Batang Rajang

Chief Editor | Berita Iban MY
September 3, 2018

Bangkai lelaki ke ditemu orang mayuh ba tebing sungai Batang Rajang pagi tadi.

KANOWIT: Bangkai siku lelaki ditemu tepanggai ba tebing sungai Batang Rajang besemak Nanga Mam, sehari tu tadi.

Raban Bomba enggau Penyelamat (BBP) Kanowit nerima kangau ari raban Polis Lans Kopral Jokey urung jam 8.30 pagi madahka orang mayuh bisi tetemuka bangkai siku lelaki ba palan nya. 

Berindik ari penerang ke diterima, seraban bomba diketuaika PBK I Allok  Ak Tagal berumban ngesah ke palan penusah nyadi ngambika ulih ngatung bangkai mansa nya. 

Mansa ke bebadi nya dikelala enggau nama Peter Ngau Jau beumur 54 taun.

Mansa pengudahnya disuaka raban polis enggau dianjung ke Sepital Kanowit kena bejalaika pengawa buntas tasat.