Dua iku indu bakal, kerita ngelantak mesin pam minyak - Berita Iban Online

Header Ads

  • Baru Nyadi

    Dua iku indu bakal, kerita ngelantak mesin pam minyak

    BA PALAN PENUSAH NYADI: Raban Bomba benung ngatung mansa ke dalan van Ambulans.

    SARIKEI: Dua iku indu kesal maya sebuah kerita tepawah lalu ngelantak mesin pam minyak ba sebuah stesyen minyak di Jalai Repok, ditu, pagi tadi.

    Penusah nyadi urung jam 6.30 pagi, dua iku staf, siku beumur 21 taun enggau siku agi beumur 39 taun, bakal ketegal tepelanting pengudah kena lantak sebuah kerita Toyota Vios.

    Berindik ari nya, seraban bomba berumban ngesahka ke palan penusah ke nyadi ngambika ulih bejalaika operasyen silik agi.

    Pengari polis madah, asil pansik tumu, penusah nyadi bepun ari siku lelaki beumur 55 taun ke benung deriba kerita nya enda mukai-mukai terindikka 'pedal' minyak maya iya deka ngisi minyak ba stesyen minyak nya.

    Ku iya, berindik ari nya, kereita ke ditepan iya nuju ke mua lalu ngelantak palan endur ngepam minyak enggau ngejung ke dua staf tepelanting sereta labuh.

    "Maya penusah nyadi, kerita nya mega ngelantak sebuah kerita Proton Ixora ke bisi ba mua Toyota Vios nya.

    "Kededua mansa ke bakal nya dianjung ke Sepital Sarikei ngambika ulih diperubatka enggau silik agi," ku iya maya ke dirandau pengarang berita.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads