Eksiden: Dua semenyadi, siku bebadi nyawa, siku selamat
Cari Berita

Advertisement

Eksiden: Dua semenyadi, siku bebadi nyawa, siku selamat

Chief Editor | Berita Iban MY
September 1, 2018

Mansa (Gambar Mit) bebadi nyawa ba palan penusah nya dilabung ngena kain burak, menyadi biak mansa ke deriba motosikal duduk nguan niang serayaka nganti ambulans datai ba palan penusah nyadi.

BINTULU: Siku lelaki bebadi nyawa sepengudah motosikal ke ditepan iya belantak enggau sebuah kerita ba bulatan Taman Ria, Jalai Tanjung Batu, urung jam 7 malam tadi.

Ketuai Opis Tasat enggau Penguasa Trafik Sarawak Superintenden Alexson Naga Chabu, madah mansa ke bebadi nyawa ba palan penusah nyadi dikelala enggau nama Roberto Ladie Anak Sulin, 22 taun, penatai ari Rumah Illai, Krangan Rusa ba Krian. Tang menyadi iya ke deriba motosikal nya, Kiong Anak Sulin, 19 taun, semina bakal mimit.

Ku iya, orang ke deriba kereta ianya siku indu, penatai ari China, beumur 39 taun, selamat tauka nadai bakal ba tubuh.

"Eksiden nyadi dipechayaka bepun ari motosikal ke ditepan mansa ngelantak sebuah kerita ba bulatan Taman Ria di Tanjung Batu ke sama bela bejalai ba bulatan nya," ku iya maya ke dirandau pengarang berita malam tadi.

Bangkai tauka tubuh mansa dianjung ke Sepital Bintulu kena bejalaika pengawa buntas tasat.

Kes dipansik ari baruh Seksyen 41(1) Akta Pengangkutan Jalan 1987.