EKSIDEN: Motosikal ensuruk ba baruh Hilux - Berita Iban Online

Header Ads

  • Baru Nyadi

    EKSIDEN: Motosikal ensuruk ba baruh Hilux

    PENUSAH ENDA DISADANG: Pendiau ba palan eksiden nyadi. 

    MUKAH: Siku lelaki mimit da agi nyauka bebadi pengudah motosikal ke ditepan iya ensuruk ke baruh sebuah kerita Hilux ba simpang empat Kampung Tellian, urung jam 7.10 pagi kemari.

    Ketuai Polis Pampang Mukah DSP Jimmy Panyau, madah sebedau eksiden nyadi,  kerita Hilux nya ditepan siku kontraktor benung dirantau jalai nuju ke Balingian ari Oya, ba kilometer tiga ianya besemak simpang empat tau palan eksiden nyadi.

    “Enda mukai-mukai motosikal ke ditepan mansa benung ba simpang sepiak kanan dipechayaka deka ngelayang jalai ke simpang sepiak kiba,” ku iya lebuh dirandau pengarang berita.

    Jimmy madah, deriba Hilux nya nguji ngindik brek, tang enda ulih nyeliahka  motosikal mansa laban penyauh Hilux enggau motosikal mansa nya kelalu semak.

    Berindik ari eksiden nya, mansa bakal mimit enggau di bai ke Sepital Mukah ngambika ulih diperubatka enggau silik agi, tang deriba Hilux nya diripotka selamat tauka nadai bakal.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads