Header Ads

  • Berita Tebaru

    Eksiden: Siku bebadi tang siku agi selamat

    BA PALAN EKSIDEN NYADI: Raban bomba benung ngemansutka bangkai mansa ke bebadi ba palan penusah kenyadi, tang siku agi (gambar mit) diripotka selamat, tengahari tadi.

    BINTULU - Siku lelaki ditemu retung sepengudah kerita Hilux ke ditepan iya eksiden sebedau angus ba Jalai Samalaju ditu, sehari tu.

    Eksiden nyadi urung jam 12.05 tengah hari enggau mansa dikelala enggau nama Ling Kiew Hing, beumur 53 taun, bebadi ba palan penusah kenyadi, tang Alwi Anak Kamarau, 42 taun, semina bakal mimit.

    Sapit Direktor Operasyen Opis Bomba enggau Penyelamat Sarawak, Tiong Ling Hii, madah raban bomba bisi nerima kangau urung jam 12.06 tengah hari bekaul enggau penusah nyadi.

    Ku iya, seraban bomba penyampau 12 iku ari Balai Bomba enggau Penyelamat (BBP) Bintulu enggau BBP Samalaju beruban ngesah ke palan penusah nyadi ngambika ulih bejalaika operasyen ngemadamka api sereta nyelamatka mansa.

    "Maya datai ba palan penusah nyadi, raban bomba meda sebuah kerita Hilux benung telentang enggau angus ba tisi jalai ketegal dipechayaka ngelantak besi pengadang jalan.

    "Raban bomba pengudahnya madamka api ke nganguska kerita nya sebedau mansutka mansa ke tesepit sereta mengkang ba penuduk deriba," ku iya maya ke randau pengarang berita.

    Ling Hii ngelansa, bangkai mansa pengudah nya disuaka ngagai polis ngambika ulih bejalaika pengawa silik agi.

    Mansa ke bebadi ba palan penusah nyadi.

    "Operasyen tembu urung 1.15 lemai sepengudah bangkai mansa dianjung ke Sepital Bintulu kena bejalaika pengawa silik agi," ku iya.

    Kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: