Header Ads

  • Berita Tebaru

    Eksiden: Siku indu bebadi, ba Batu 22, Jalai Bintulu - Miri

    Raban bomba mansutka siku indu (deriba) ari kerita. Penumpang kerita diripotka bebadi ba palan penusah ke nyadi.

    BINTULU: Siku indu bebadi pengudah kerita ke ditepan iya eksiden ba Batu 22, Jalai Bintulu-Miri, kemari.

    Ketuai Balai Bomba enggau Penyelamat Bintulu TPgB Mohamad Meramit, madah raban bomba bisi nerima kangau urung jam 5.52 lemai bekaul enggau dua buah kerita belantak ari muak ke sama.

    Ku iya mansa dikelala enggau nama Carine Chieng, beumur 18 taun diripotka bebadi ba palan penusah ke nyadi tang siku indu deriba diripotka bakal, ditaban ke sepital ngambika ulih diperubat silik agi. 

    "Raban bomba mansutka mansa ke bebadi nya ngena perengka nyelamat sebedau nyuaka raban polis kena bejalaika pengawa silik agi," ku iya maya ke dirandau pengarang berita kemari.

    Siku lelaki deriba sebuah kereta sebengkah agi, diperubatka raban periman (EMRS) tumu sebedau dianjung ke sepital.

    Bangkai mansa disuaka raban polis enggau operasyen tembu urung jam 7.15 malam.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: