EKSIDEN: Siku indu bebadi, ngelantak kemudi lori ba Kilometer 2, Jalai Repok, Sarikei - Berita Iban Online

Header Ads

  • Baru Nyadi

    EKSIDEN: Siku indu bebadi, ngelantak kemudi lori ba Kilometer 2, Jalai Repok, Sarikei

    Esiden ba Kilometer 2, Jalai Repok, Sarikei ngejungka siku deriba motosikal bebadi ba palan eksiden nyadi.

    SARIKEI: Pengudah ngelantak kemudi sebuah lori, siku indu ke gawa nyadi orang ngaga ruti, diripotka bebadi ba palan eksiden nyadi di Kilometer 2, Jalai Repok, ditu, tumu pagi tadi.

    Ketuai Polis Pampang Sarikei, Superintenden Awang Alfian Awang, madah mansa dikelala enggau nama Lau Siew Pan, 40 taun, diripotka raban periman ari Sepital Sarikei bebadi ba palan eksiden nyadi.

    "Penusah nyadi urung jam 8.26 pagi, maya mansa benung dirantau jalai nuju ke pasar.

    "Asil pansik tumu, maya eksiden nyadi, lori nya pansut ari simpang pengudah tembu ngisi minyak ba sebuah stesyen minyak besemak.

    "Mansa benung bejalai lurus dipechayaka enda sempat nyeliah enggau ngetuka motosikal ke ditepan iya sebedau ngelantak kemudi sepiak kanan lori nya," ku iya lebuh dirandau pengarang berita, seharitu tadi.

    Kelimpah ari nya, ku iya, deriba lori, beumur 42 taun diripotka selamat tauka nadai bakal ba tubuh.

    Bangkai mansa udah dianjung ke Sepital Sarikei kena bejalaika pengawa silik agi enggau kes dipansik ari baruh Seksyen 41(1) (A) Akta Pengangkutan Jalan (APJ) 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads