Eksiden: Siku indu bebadi, tepawah ba Kilometer 92 Jalai Saratok - Sarikei - Berita Iban Online

Header Ads

  • Baru Nyadi

    Eksiden: Siku indu bebadi, tepawah ba Kilometer 92 Jalai Saratok - Sarikei

    Raban bomba ari Balai Bomba enggau Penyelamat Saratok mansutka mansa ari kerita sebedau bangkai mansa disua ke raban polis.

    SARATOK: Siku indu bebadi pengudah kerita ke ditepan iya tepawah lalu labuh ke palan ngaga sistem loji tai 'pembentungan' ba Kilometer 92 Jalai Saratok-Sarikei besemak Sekolah Kebangsaan (SK) Berayang, ditu, malam tadi. 

    Mansa dikelala enggau nama Sini Jilan, beumur 41 taun, penatai ari Rumah Kunchi, Bratong di Roban diripotka raban periman ari Sepital Saratok bebadi ba palan penusah eksiden nyadi pengudah nerima kangau bekaul enggau penusah eksiden nyadi. 

    Ketuai Polis Pampang Saratok DSP Mordani Tanin, madah eksiden nyadi urung jam 8.30 malam nya, mansa dipechaya benung dirantau jalai ari muak ke Sibu nuju ke Kuching.

    "Asil pansik tumu, dipechayaka kerita ke ditepan mansa tepawah ke kiba jalai, lalu lalu labuh tama ke palan ngaga sistem  loji tai 'pembentungan' urung penalam ai sembilan meter.

    "Dempa pemalat eksiden nya, mansa diripotka bebadi ba palan eksiden ke nyadi ketegal balat bakal ba beberapa iti endur ba tubuh," ku iya maya ke ditanya pengarang berita sehari tu tadi.

    Bangkai mansa dibai ke Sepital Saratok enggau kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads