EKSIDEN: Siku lelaki bebadi, kerita ngelantak lori ba Jalai Paradom, Sibu - Berita Iban Online

Header Ads

  • Baru Nyadi

    EKSIDEN: Siku lelaki bebadi, kerita ngelantak lori ba Jalai Paradom, Sibu

    KASIH AMAI: Mansa mengkang ba kerita ke ditepan iya ba palan penusah eksiden nyadi.
    SIBU: Siku lelaki beumur 60 taun bebadi pengudah kerita ke ditepan iya ngelantak sebuah lori tangki ba Jalai Paradom, Sibu urung jam 5 lemai tadi.

    Nitihka penerang ke diterima kami ari Opis Operasyen Bomba enggau Penyelamat Negeri, kerita ke ditepan mansa dipechayaka masuk ke jalai ngelaban arus ke iya ngelantak lori nya enggau ngejung ke kerita ke ditepan mansa tama ke dalam ke parit.

    Berindik ari eksiden nya, mansa diripotka mengkang dalam kerita enggau enda nemu diri tau ngelada. Tang taja pia, raban Bomba mujur ngemansutka mansa ngena perengka hidrolik.

    Deriba lori ke beumur 30 taun diripotka selamat enggau bangkai mansa pengudah nya disuaka raban Polis kena bejalaika pengawa silik agi.

    Kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads