Header Ads

  • Berita Tebaru

    Eksiden: Siku lelaki bebadi, motosikal tepawah, ngelantak entara jalai ba DBKU

    KASIH AMAI: Mansa diripotka raban periman bebadi ba palan eksiden ke nyadi.

    KUCHING: Siku lelaki bebadi pengudah motosikal ke ditepan iya tepawah lalu ngejung ke iya ngelantak entara jalai ba Dewan Bandaraya Kuching Utara (DBKU), Jalan Semariang, ditu, pagi tadi.

    Mansa dikelala enggau nama Abdul Kadir Bujang beumur 57 taun enggau penatai ari Kampung Semariang Tanah Merah, ditu.

    “Eksiden nyadi urung jam 8.55 pagi, sebuah motosikal tepawah kediri ke tisi jalai lalu ngelantak entara jalai enggau tepelanting ke sepiak 'roundabout' nya. 

    "Deriba motosikal diripotka raban periman ari Sepital Besai Sarawak (HUS) bebadi ba palan eksiden ke nyadi," ku Ketuai Opis Tasat enggau Penguasa Trafik Superintenden Alexson Naga Chabu.

    Alexson mega madahka bangkai mansa udah dianjung ke Unit Perubat Forensik HUS kena bejalaika pengawa buntas tasat.

    "Kes nya dipansik ari baruh Seksyen 41(1) Akta Pengangkutan Jalan (APJ) 1987", ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: