Header Ads

  • Berita Tebaru

    EKSIDEN: Siku lelaki bebadi nyawa tang empat iku bakal

    Mansa (gambar mit) bebadi ba palan penusah eksiden nyadi.

    SARIKEI: Siku lelaki bebadi nyawa tang empat iku bakal, sepengudah dua buah kerita eksiden ba jalai Kilometer 426 Jalai Betong-Sarikei-Meradong, Bukit Sebangkoi urung 8.45 pagi tadi.

    Berindik enggau nya, seraban bomba ari Balai Bomba enggau Penyelamat Sarikei berumban ngesah ke palan penusah nyadi sepengudah nerima kangau urung jam 8.48 pagi.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madah mansa ke bebadi ba palan penusah nyadi dikelala enggau nama Danial Tong Jia Yong, 20 taun tang penumpang, 21 taun, patah tulang pah.

    Ku iya, eksiden dipechayaka nyadi maya kerita ke ditepan mansa ke benung dirantau jalai nuju ke Kuching, tepawah lalu tama ke jalai ngelaban arus enggau ngelantak sebuah kerita ke benung bejalai muak ari Beladin nuju ke Sarikei.

    "Asil pansik tumu, eksiden nyadi ba jalai betiku nurun ari bukit enggau jalai nya agi basah sereta lichin," ku iya maya ke dirandau pengarang berita sehari tu tadi.

    Deriba sebuah agi kerita, lelaki, 35 taun enggau bini iya, 33 taun, seduai iya sama bela patah tulang rusuk enggau betis kanan tang anak indu seduai iya beumur 7 taun, semina bakal mimit.

    Mansa ke tesepit dalam kerita udah mujur dipansutka raban bomba.

    Empat iku mansa ke bakal dianjung ke sepital ngambika ulih diperubat enggau silik agi.

    Kelimpah ari nya, bangkai siku lelaki ke bebadi ba palan penusah nyadi mega dianjung ke Sepital Sarikei kena bejalaika pengawa buntas tasat.

    Kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: