Eksiden: Siku orang tuai bebadi nyawa, motosikal ngelantak kerita rusak - Berita Iban Online

Header Ads

  • Baru Nyadi

    Eksiden: Siku orang tuai bebadi nyawa, motosikal ngelantak kerita rusak

    Mansa diripotka bebadi nyawa ba palan eksiden nyadi.

    KUCHING: Siku orang tuai (warga emas) bebadi nyawa pengudah motosikal ke ditepan iya eksiden ba Jalai Akses FAC nuju ke Taman Negara Kubah, Matang, ditu, sehari tu.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka mansa dikelala enggau nama Junaidi Sulong, 73 taun penatai ari Kampung Sri Kandung, Jalai Lundu-Sampadi, dipechayaka benung dirantau jalai deka mulaika diri ke rumah iya ari Kuching lebuh penusah nyadi urung jam 1.15 tengah hari tadi.

    Pendiau motosikal ke ditepan mansa pengudah eksiden nyadi.

    "Lebuh penusah nyadi, motosikal ke ditepan mansa ngelantak kemudi sebuah kerita ti rusak ke paking ba tisi jalai sepiak kiba," ku iya lebuh ke dirandau pengarang berita, sehari tu tadi.

    Ku iya, raban perubat madahka mansa bebadi ba palan eksiden ke nyadi ketegal balat bakal ba pala.

    Bangkai mansa dianjung ke Sepital Besai Sarawak kena bejalaika pengawa buntas tasat.

    Kes nya dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads