EKSIDEN: Siku pelajar pom lima bebadi, siku agi patah jari kiba - Berita Iban Online

Header Ads

  • Baru Nyadi

    EKSIDEN: Siku pelajar pom lima bebadi, siku agi patah jari kiba

    Pendiau kerita mansa pengudah nerima ngelantak entara jalai ba palan penusah nyadi, malam tadi.

    TAIPING: Siku pelajar pom lima bebadi tang siku agi kaban iya diripotka patah jari kiba pengudah kerita ke ditepan seduai iya tepawah sebedau ngelantak entara jalai ba Kilometer 13.6, Jalai Kuala Sepetang-Taiping besemak Larut Tin, ditu, malam tadi.

    Eksiden nyadi urung jam 11.00 malam nya, mansa dikelala enggau nama Muhammad Qhairuldin Shah Yaakop, 17 taun ke deriba kerita bansa Nissan Fairlady nya diripotka bebadi ba palan eksiden nyadi.

    Ketuai Polis Pampang Taiping, Asisten Komisioner Mohamad Taib, madah asil pansik tumu, kerita ke ditepan dua iku sekaban nya benung dirantau jalai ari Taiping ke Simpang nya enggau enda mukai-mukai tepawah ba palan eksiden nyadi sebedau ngelantak entara jalai nya.

    “Berindik ari eksiden nya, mansa diripotka balat bakal lalu ngejung ke iya bebadi ba palan eksiden ke nyadi.

    “Bangkai mansa dianjung ke Sepital Taiping kena bejalaika pengawa buntas tasat,” ku iya lebuh dirandau pengarang berita sehari tu tadi.

    Ku Mohamad, kaban mansa, Ahmad Aliff Nurzikry Ahmad Hazlie, 16 taun, diripotka patah jari kiba enggau dianjung ke sepital sama ngambika ulih diperubat silik agi.

    Kes dipansik ari baruh Seksyen 41(1) Akta Pengangkutan Jalan 1987. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads