Enda nyadi deka munuh diri pengudah diaum bomba - Berita Iban Online

Header Ads

  • Baru Nyadi

    Enda nyadi deka munuh diri pengudah diaum bomba

    Siku lelaki beumur 23 taun dianjung iya ke Sepital Bintulu ngambika ulih diperesa enggau silik agi.

    BINTULU: Siku lelaki dipechayaka deka munuh diri enggau terejun ke tasik ba pantai Tanjung Batu mujur diselamatka Raban Bomba enggau Penyelamat Malaysia, urung jam 10 malam tadi. 

    Ketuai Balai Bomba enggau Penyelamat Bintulu, Mohamad Meramit, madahka raban bomba berumban ngesah ke palan penusah nyadi pengudah nerima kangau bekaul enggau siku lelaki deka munuh diri ba pantai nya. 

    "Lebuh datai ba palan penusah ke nyadi, siku lelaki dipeda benung bediri ba tisi pantai enggau deka terejun ke tasik.

    "Raban bomba urung pengelama sejam laban ke ngaum lelaki nya, sebedau nganjung iya ke Sepital Bintulu ngambika ulih diperesa enggau silik agi," ku iya.

    Naka kediatu, kebuah 'motif' lelaki beumur 23 taun nya nguji munuh diri bedau temu enggau agi dipansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads