Gawa di rumah panjai besai agi gaji ari orang ke bisi degree, master - Berita Iban Online

Header Ads

  • Baru Nyadi

    Gawa di rumah panjai besai agi gaji ari orang ke bisi degree, master

    Benung besaup ngikat changkuk manis.

    Tabi pagi bala pemacha Berita Iban Online enggau BeritaIban.com, ke sekali tu kami deka bekunsika siti cherita ti chukup manah ke diiyarka Lutor Charlie Dudang ba Facebook (FB) apin lama ke udah.

    Ba artikel nya, iya bekunsika pengawa dirumah panjai ulih ngulihka gaji ke besai agi ari orang ke bisi pelajar degree tauka master.

    Penyampau changkuk manis enggau daun jabang sebedau diikat.



    Selamat pagi ngagai semua kaban muabup ke pagi tu.

    Nama berita kita? Aku arapka semua kitai sama bela mujur sereta lantang dalam semua pengawa.

    Ke pagi tu aku deka bekunsi enggau kitai sebuat gambar ke dikirumka bala aku ngagai aku empai lama tu ke udah, ianya gambar sida iya beduruk ngikat sayur  changkuk manis sebedau dijual ke pasar. Ukai "Duruk Pengerindu", munyi ku lagu Stella Philip.

    Nitihka penerang, sepagi enti hari manah sida ulih nyual sampai 200-300 ikat sepagi. Enti 200 x RM2=RM400 sepagi, dini ngiga duit lebih ari nya? Enda ibuh suah, seminggu 2x bejual udah berapa? 2 x 200 okay = 400 ikat x RM800/seminggu x 4 = RM3,200 sebulan - besai agi ari gaji degree tauka master baru masuk kereja.

    Kenu ku sida, sida ngambi "cabaran" ari jaku aku ke selalu kutap-kutap ba radio sereta malu ninga aku nyebut, "Kitai Iban enti berumah tisi jalai, enda bulih RM10.00 sehari, sigi nebang kumpang ke besai daun, ianya kumpang lusu' @ ngelusu' gawa".

    Pia mega ngambika jimat enda bebelika sayur, sida nanam sayur ba tengah laman. Laluh ke semua diri empu, bisi ga di jual ku sida iya. 

    Sepasang melaki bini mai changkuk ke deka dijual ba pasar.

    Kelimpah ari nya, ku iya, bisi siku da bala kitai ari Julau ngambi cabaran aku. Peda pemayuh changkuk manis dibai iya.

    "Puji Tuhan laban bisi agi bansa kitai ngasika jaku aku ba radio. Enda lebu mih aku kutap-kutap ngelamatu. Arapka mayuh agi sida bekunsi enggau aku," ku iya.


    Charlie ngelansa, aku meri besai pengaga ati ngagai bansa kitai ke udah ninga jaku ajar tauka lalau aku ba radio ngelamatu. Icha jaku aku agi bedau "bisa baka tuba tubai semelawi, mang ari kepayang rendam sepagi" mayuh agi bansa kitai berubah runding mutarka pengidup diri, ngiga belanja lebih sereta nemu besimpanka duit lalu ngenyauhka diri ari penyakit 5Ps. 

    Tuhan merekat semua kitai ke pagi tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads