Kandik duit Sapit Speaker DUN Sabah lenyau ba sebuah palan main golf di Kuching - Berita Iban Online

Header Ads

  • Baru Nyadi

    Kandik duit Sapit Speaker DUN Sabah lenyau ba sebuah palan main golf di Kuching

    Gambar pengias. 📷@DAsiaTravels

    KUCHING: Kandik duit Sapit Speaker Dewan Undangan Negeri (DUN) Sabah, Datuk George Anthony Ginibun diripotka lenyau dipechayaka dichuri siku lelaki ba Damai Golf Club, Santubong, ditu, kemari.

    Penusah nyadi urung jam 5 lemai, maya iya benung dirantau jalai pulai ke hotel ba endur iya diau.

    Nitihka orang ke meri penerang, sebedau penusah nyadi, mansa engkah kandik duit iya ba kerita ba padang golf 'buggy' enggau dijaga siku 'kedi'.

    "Tang taja pia, maya iya nemu kandik duit iya nya lenyau enggau kedi nya dipechayaka ngambi tauka nabanka kandik duit nya laban iya nadai dipeda agi pengudah nya.

    "Tingki, lisin deriba kelas D, kad pinchin kerajaan, kad ATM Alliance Bank, pasport imigresen enggau mata duit urung penyampau RM1,000 ke bisi dalam kandim duit nya lenyau," ku iya maya ke dirandau pengarang berita.

    Nitihka dipadah, iya enggau orang bepekit 'pertandingan Golf Fun Borneo Championship antara Brunei, Sabah dan Sarawak di Damai Golf Club, Santubong' ditu, sehari tu.

    Ku orang ke meri penerang, polis benung ngiga sereta nyidi lelaki (saspek) nya enggau kes dipansik ari baruh Seksyen 379 Kanun Keseksaan. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads