Lima buah entukar eksiden ba Bukit Rasau, Jalai Serian - Sri Aman - Berita Iban Online

Header Ads

  • Baru Nyadi

    Lima buah entukar eksiden ba Bukit Rasau, Jalai Serian - Sri Aman

    BA PALAN PENUSAH NYADI: Lima buah entukar eksiden ba Bukit Rasau.

    SERIAN: Lima iku deriba enggau lima iku penumpang lima kesal pengudah eksiden ba Bukit Rasau, Jalai Serian-Sri Aman, ditu, seharitu tadi.

    Pengari Operasi Operasyen Bomba enggau Penyelamat Sarawak, madahka bisi nerima kangau bekaul enggau eksiden ke nyadi urung jam  6.36 pagi.

    Ku iya, berindik ari ripot ke diterima nya, lapan iku raban bomba ari Balai Bomba enggau Penyelamat (BBP) Serian berumban ngesah ke palan penusah nyadi ngambika ulih bejalaika operasyen nyelamatka mansa.

    "Maya datai ba palan penusah kenyadi, raban bomba ngeripotka lima buah entukar eksiden ba jalai bukit nya.

    "Asil peresa silik, nadai mansa mengkang dalam entukar, mansa ke bakal dianjung ke Sepital Serian ngambika ulih diperubatka enggau silik agi. Tang taja pia, semua mansa diripotka selamat," ku iya lebuh dirandau pengarang berita, seharitu tadi.

    Pengari bomba ngelansa, eksiden nyadi dipechayaka bepun ari sebuah van ngelantak sebuah entukar ari muak jalai ngelaban arus sebedau kena duju entukar kebukai ke ari kemudi.

    Ku iya, raban bomba pengudah nya bejalaika operasyen 'flushing' ba atas jalai alun nya kena muai bekau minyak enggau nyaga pengelikun penguna jalai alu ke bisi mansa tauka nengah jalai nya. 

    "Operasyen tembu sepengudah palan eksiden ulih dijaga," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads