Nasit siku lelaki sempama baka 'udah aruk dipukung enggau alung, udah labuh ditinggang lesung' - Berita Iban Online

Header Ads

  • Baru Nyadi

    Nasit siku lelaki sempama baka 'udah aruk dipukung enggau alung, udah labuh ditinggang lesung'

    Mansa diripotka bebadi ba palan penusah ke nyadi.

    BINTULU: Siku deriba motosikal bebadi nyawa pengudah dilantak sebuah lori ba Jalai Pesisir Bintulu-Miri, ditu, malam tadi. 

    Lelaki ke bebadi ba palan penusah kenyadi dikelala enggau nama Haryadi Zaini, 40 taun, penatai ari Kampung Pandan, Sebauh.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madah asil pansik tumu, eksiden nyadi maya mansa pansut ari tisi jalai, lalu ngelayang ke sepiak jalai ngelaban arus sebedau labuh enggau dilantak sebuah lori ke benung bejalai lurus muak ari Bintulu.

    "Maya penusah nyadi, mansa diripotka bebadi ba palan penusah ke nyadi ketegal balat bakal ba pala tang deriba lori selamat tauka nadai bakal ba sebelah tubuh," ku iya lebuh dirandau pengarang berita seharitu tadi.

    Kes nya dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads