Header Ads

  • Berita Tebaru

    Ops Dadu: Lelaki nyual lumur nadai lisin ditangkap

    GAMBAR PENGIAS: Lumur iku nadai lisin.

    LIMBANG: Siku lelaki ditan polis pengudah dipechayaka nyual lumur iku nadai pemendar maya operasyen Ops Dadu dipejalaika, ditu, kemari.

    Ketuai Polis Pampang Limbang Superintenden Mohd Bukhori Saffai, madah operasyen dipejalaika urung jam 1.20 lemai ba sebuah kedai di Jalai Buangsiol.

    Ku iya, saspek, 22 taun, ditangkap maya iya dipechaya benung bejualka lumur iku nadai lisin ngagai orang ke meli.

    Tang taja pia, pengawa nya balang pengudah saspek ditangkap ba palan nya.

    “Penyampau mata duit RM110, telefon binching enggau perengka ke dipechaya dikena bejual lumur dirampas,” ku iya maya ke dirandau pengarang berita, kemari.

    Mohd Bukhori, madah operasyen dipejalaika seraban polis ari Opis Tasat Jenayah, IPD Limbang.

    Ke dulu agi ari nya, ku iya, siku lelaki, 21 taun mega ditan ba dalam operasyen sama ke digaga ba sebuah kedai besemak Jalai Padang Main Bazaar, apin lama ke udah.

    “Dua iti telefon binching, enam lambar keretas chura burak bisi ditulis empat iti lumur enggau penyampau mata duit RM275,” ku iya.

    Kes dipansik ari baruh Seksyen 4A(a) ARJT 1953.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: