Header Ads

  • Berita Tebaru

    Ops Mabuk: Siku lelaki ditan polis

    Gambar pengias.

    LIMBANG: Siku lelaki ditan polis laban dipechayaka mabuk maya peresa Ops Mabuk ke dipejalaika pengelama dua hari belabuh ari malam kemari, ba pasar ditu.

    Saspek, 46 taun, penatai ari Tatau, Bintulu dipechayaka mabuk sepengudah peresa dipejalaika ngena pemeresa 'alkohol' ba dalam tubuh enggau lebih ari taka ke dikemendarka, tang dua iku agi nadai ngirup ai bisa tauka arak.

    Ketuai Polis Pampang Limbang Superintenden Mohd Bukhori Saffai, madah 12 saman dipansutka dalam operasyen nya enggau mayuh bengkah penyalah undang-undang jalai alun. 

    Sekeda ari penyalah ke bisi dirikod ianya nadai mantaika lisen enggau chukai jalai, lumor plat, cheremin tisi enggau penyalah bukai. 

    Ku iya, urung penyampau 59 entukar mega diperiksa ianya 30 kerita, 29 motosikal, 5 kerita bansa hilux (4x4), dua van enggau dua lori.

    Operasyen Ops Mabuk dipejalaika sepuluh iku raban polis trafik diketuaika Ketuai Opis Trafik Pampang Limbang Inspektor Ejan Abu, belabuh ari jam yang 10 malam nyentuk ke jam 2 pagi. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: