Header Ads

  • Berita Tebaru

    Orang ke meli 'lisin terebai' diberi timpuh sebulan

    Menteri Opis Perengka Pengangkut, Anthony Loke Siew Fook, madah penerang sentang lisin nya tebantai pengudah Opis Nagang Makai Suap Malaysia (SPRM). 📷@AbdRahimRahmat 

    PUTRAJAYA: Bisi 14,000 iku orang ke meli 'lisin terebai' di serata menua diberi timpuh sebulan berengkah ari sehari tu, nyerahka lisin sida sebarang endur Unit Integriti Opis Perengka Pengangkut Jalai (JPJ) negeri tauka sida deka digiga opis bekuasa nya.

    Menteri Opis Perengka Pengangkut, Anthony Loke Siew Fook, madah penerang sentang lisin nya tebantai pengudah Opis Nagang Makai Suap Malaysia (SPRM) ngetanka 12 iku pemesai enggau raban JPJ dari Perlis, Perak, Negeri Sembilan, Sabah enggau Sarawak kenyau ari 4 Haribula 9, tu tadi.

    "JPJ bisi penerang ke silik sentang identiti orang ke meli lisin nya, pemesai JPJ enggau opis pampang JPJ ti mansutka lisin nya,” ku iya ba aum media ba opis menteri nya, ditu, sehari tu tadi.

    Loke melabaka bisi agi staf JPJ deka ditan SPRM udah tu, seraya madahka semua 12 iku staf ke ditan sebedau tu deka ditinggang ukum ditanka ari nurun gawa dulu taja pan bedau dituduh ba kort.

    "Ukum ditan ari nurun gawa nya diterit ketegal penyalah ke digaga sida nya berat lalu ngambika nyadi teladan tauka chunto ngagai orang bukai," ku iya.

    Ku Loke, modus operandi mansutka lisin nya ngena prosedur nukar lisin deriba di menua tasik ngagai lisin deriba Malaysia. 

    Taja pan orang ke deriba nya, nadai kala bisi lisin deriba di menua tasik tauka nemuai ke menua tasik.

    "Lesen nya dijual di entara rega RM2,000 ngagai RM3,500 nengah iklan ba laman sosial. Orang ke meli 'Pemeli' semina mayar enggau lesen nya dikirum ngena chara pos ke rumah," ku iya.

    Ku Loke, bisi rayat menua luar ti ngembuan lisin nya tang sebagi besai nya ngaul peranak menua China.

    Dikena nambah manah sereta nyeliahka pekara nya ari nyadi baru jemah ila, ku iya JPJ deka ngaluska chara ‘conversion’ (nukar lisin deriba menua tasik ngagai lisin deriba Malaysia) lalu berundingka chara ngakun lisin deriba menua luar.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: