Penyampau 23 botol arak jenama Mandalay enggau Grand Royal dirampas polis - Berita Iban Online

Header Ads

  • Baru Nyadi

    Penyampau 23 botol arak jenama Mandalay enggau Grand Royal dirampas polis

    Ketuai Polis Pampang Sentul, R. Munusamy mandangka botol ai bisa ke dipechayaka bisi dichampur perengka kimia 'Metanol' ba Balai Polis Pampang Sentul. 📷#MuhdZaabaZakeria

    KUALA LUMPUR: Penyampau 23 botol arak jenama Mandalay enggau Grand Royal dirampas polis ari sebuah kedai ke nyual ai bisa (alkohol) ba Jalai Selingsing 4, Taman Sri Kuching, ditu, pagi tadi.

    Urung jam 11 pagi, abas ngenyit dipejalaika berindik ari empat iku diripotka parai pengudah ngirup ai arak jenama nya kena 14 September, hari lima minggu nyin kemari.

    Ketuai Polis Pampang Sentul, Asisten Komisioner R Munusamy, madah raban polis mega bisi ngaga abis ngenyit ba dua buah kedai ba Jinjang Utara enggau Jalai Ipoh, ditu, tang nadai tetemuka dua jenama nya.

    “Nitihka analisis ke digaga Opis Pengerai ba dua jenama nya, arak nya bisi dichampur perengka kimia 'metanol' ke ulih ngemedis tauka munuh mensia.

    “Berindik ari nya, raban kami ngaga abis ngenyit ba kedai enggau ngerampas 18 botol arak jenama Grand Royal enggau lima jenama Mandalay. Penyampau ungus rega arak RM300,” ku iya lebuh dirandau pengarang berita ba Balai Polis Pampang (IPD) Sentul, ditu, seharitu tadi.

    Ku iya, empat iku parai nya ketegal dipechayaka udah ngirup kededua jenama nya. Nya alai, kesemua mansa bisi tanda ke sama ianya tusahka engkebut 'cramp', chirit, enggau mutah.

    Ku iya, raban polis mega nangkap dua lelaki kena bejalaika pengawa mansik.

    “Siku lelaki peranak menua, beumur 50-an enggau siku agi lelaki, penatai ari menua Bangladesh, beumur 40-an ditangkap maya abas ngenyit nya laban kedai ke nya nyual arak tang nadai lisin. 

    “Raban kami ngerampas dua bengkah arak nya ngambika nadai agi kes parai ketegal ngirup arak ke bisi dichampur  perengka kimia 'metanol'.

    “Abas ngenyit tauka peresa agi dipejalaika ari diatu nyentuk ke jemah ila,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads