Polis meresa rumah indai Najib - Berita Iban Online

Header Ads

  • Baru Nyadi

    Polis meresa rumah indai Najib

    Indai Datuk Seri Najib Razak, Tun Rahah Mohd Noah. 📷#RoslinMatTahir

    KUALA LUMPUR: Polis meresa rumah ke diibun indai Datuk Seri Najib Razak, Tun Rahah Mohd Noah ba Jalai Eaton, ditu, seharitu tadi.

    Pekara nya diripotka Ex-Luyar Perdana Menteri, Tan Sri Muhammad Shafee Abdullah.

    Ku iya, polis datai ba rumah nya urung jam 2 lemai maya iya benung bisi ba Kort Sesyen Kuala Lumpur laban deka bechara ke kes Najib.

    “Polis datai laban deka meresa ke rumah indai Najib, nyauka abis utai ba rumah diperesa polis tang nadai sebarang reta tengkira dirampas sida iya.

    “Sida enda patut meresa rumah indai Najib, nama Tun Rahah (indai Najib) bisi bekait dalam kes Najib, enti deka meresa meseti bisi kebuah ke nyemetak,” ku iya lebuh dirandau pengarang berita, seharitu tadi.

    Kedulu agi ari nya, Najib ngaku enda salah ba empat iti tuduh bekait enggau salah ngena kuasa enggau 21 iti tuduh ianya ngubah mata duit ke enda dikemendarka 'haram' urung penyampau RM2.3 bilion.

    Kort Sesyen Kuala Lumpur pengudah nya meri iya pemendar dijamin RM3.5 juta enggau siku penjamin.

    Kort mega meri Najib pemendar mayar ukum mata duit penyampau RM3.5 juta sechara belubah enggau mayar RM1 juta pagila enggau laluh nyentuk ke 28 September tu.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads