Header Ads

  • Berita Tebaru

    Ribut balat, raban bomba napi pemar madamka api ba sebuah kilang kayu.

    Ribut balat meri pemar ngagai raban bomba bejalaika operasyen ngemadamka api ba palan penusah nyadi.

    SIBU: Ribut ti balat meri pemar ngagai 16 iku raban Bomba enggau Penyelamat Malaysia (JPBM), ke deka madamka api ba kilang kayu benung benung nyelarai ke stor nyimpan merecun di Lorong 31A, Jalai Dik Lik Kong, urung jam 10.30 malam tadi.

    Komander Operasyen Alimat Sam, madah penusah angus ba kilang kayu agi mau nyentuk ke jam 12 tengah malam, tang api nyelarai ke stor merecun ulih dijaga taja pan raban bomba napi pemar deka masuk ke dalam stor merecun ke dikunchi ari dalam.

    Kilang kayu nya diripotka udah angus 60 peratus lebuh raban bomba ari Balai Bomba enggau Penyelamat (BBP) Sg Merah, diketuaika Joseph Balon datai ba palan penusah nyadi sepengudah nerima kangau urung jam 10.32 malam. Sida iya mega dibantu raban bomba ari BBP Sibu, diketuaika Yusuf Tar.

    Api pengudah nya diripotka nyelarai ke stor nyimpan merecun ke bisi berimbai enggau kilang nya, ketegal ribut ti balat meri pemar ngagai raban bomba bejalaika operasyen ngemadamka api ba palan penusah nyadi.

    Api agi mau urung jam 12.36 tengah malam enggau nadai penusah bebadi tauka bakal diripotka ba palan penusah ke nyadi.

    Kebuah penusah angus nyadi enggau penyampau pengerugi agi benung dipansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: