Header Ads

  • Berita Tebaru

    Ringat ketegal batu ais, kempang ati deka ngemedis diri sebilik

    Gambar pengias.

    MIRI: Ringat ketegal indai iya enda ingat meli batu ais, siku lelaki kempang ati deka nyamah tauka ngemediska sida seruang bilik ba sebuah rumah di Sungai Bekelit, Miri, apin lama ke udah.

    Tang, pengawa ke digagak saspek beumur 34 taun nya tebalas pengudah iya ditan polis besemak rumah sida iya empu urung jam 3.30 lemai kemari.

    Nitihka penerang, saspek nguji deka netak apai enggau menyadi tuai iya (lelaki) ngena duku ba dalam rumah sida iya empu kena Hari Satu tu tadi. 

    “Saspek enda mukai-mukai ringatka indai iya ke beumur 70-an laban enda ingat meli batu ais lalu ngejung ke iya deka nyamah tauka ngemediska sida seruang bilik,” ku iya.

    Tang taja pia, apai saspek beumur 75 taun mujur ngerampas duku ari jari anak iya nya.

    “Tang, saspek nyida lalu nguji deka nunu tung gis enggau bala sida sebilik lalu ngelarika diri,” ku iya.

    Ku iya, ketegal irau meda ulah saspek baka nya, apai iya pengudah nya lalu ngaga ripot ba Balai Polis Bekenu bekaul enggau penusah nyadi.

    “Saspek pengudah nya ditan enggau duku ke dikena iya maya penusah nyadi mega dirampas kena bejalaika pengawa silik agi,” ku iya.

    Berebak enggau nya, pengari polis madahka saspek nya udah ditangkap enggau kes dipansik ari baruh Seksyen 506 Kanun Keseksaan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: