Header Ads

  • Berita Tebaru

    Rumah Bada angus lengis, 86 iku orang nadai palan endur ngenduh

    Raban bomba benung madamka api ba palan penusah ke nyadi.
    SONG: Sebuah rumah panjai pampang Song, ke dikelala enggau nama Rumah Bada urung pengelama 20 minit, ngena perau nengah jalai Sungai Song ari pasar song, napi penusah angus pagi tu tadi.

    Komander Operasyen Balai Bomba enggau Penyelamat Song, PBK II Nasihin Anak Jaum, tu kali kedua penusah angus ke nyadi ba pampang nya enggau ngejung ke urung penyampau 86 iku orang ngibun rumah panjai, 16 pintu nya ke digaga kena taun 1997 nadai palan endur ngenduh.

    Ku iya, pengudah nerima kangau bekaul enggau penusah ke nyadi urung jam 6.28 pagi, urung penyampau tujuh raban bomba enggau penyelamat ke palan penusah ke nyadi ngena sebuah 'speed board' Bomba.

    “Tang taja pia, benung dirantau jalai nuju ke palan penusah ke nyadi, 'speed board' ke dikena raban bomba enda ulih dipajakka ketegal ai sungai nya pabu enggau beganti bekenaka perau panjai ke diempu peranak rumah panjai kena neruska pejalai ke Rumah Bada, enggau ngejungka laun datai.

    “Raban bomba datai ba palan penusah ke nyadi urung jam 7.04 pagi. Rumah panjai penyampau 16 pintu, setingkat struktur enda entap diripotka angus lengis diempa api,” ku iya lebuh ke dirandau pengarang berita.

    Ku iya, raban Bomba berumban madamka api ngena pam ai ke diambi ari sungai besemak enggau dibantu genturung pendiau.

    ku iya, penusah angus nya ditemu salah siku ari orang ke ngibun rumah panjai nya pengudah tepedaka asap sesebun pansut ari bilik tuai rumah panjai nya, ianya Tuai Rumah Bada Anak Abit, 73 taun, urung jam 6.20 pagi enggau nyerauh nesau semua bala ke bisi ngibun rumah panjai enggau madahka bisi penusah angus nyadi. 

    “Urung penyampau 30 iku orang ke bisi ba dalam rumah panjai nya lebuh penusah nyadi berumban pansut enggau nyelamatka diri. Nadai penusah bebadi nyawa diripotka nyadi ba palan penusah ke nyadi. Tang taja pia, sida iya enda sempat nyelamatka reta tengkira laban api nyelarai enggau jampat,” ku iya.

    Ku iya, penyampau pengerugi enggau kebuah penusah angus nyadi agi dipansik.

    Kena Hari Satu tu tadi, Rumah Dagom pemanjai 32 pintu ba Nanga Makut, Sungai Katibas mega napi penusah angus enggau ngejungke urung penyampau 253 iku ke ngibun rumah panjai nya nadai palan endur ngenduh.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: