Sebuah rumah panjai ba Nanga Makut, Katibas, Song angus pagi tadi - Berita Iban Online

Header Ads

  • Baru Nyadi

    Sebuah rumah panjai ba Nanga Makut, Katibas, Song angus pagi tadi

    Gambar ba palan penusah angus ke nyadi pagi tadi.
    KAPIT: Sebuah rumah panjai ba Nanga Makut, Katibas di Song ambis lengis diempa api pengudah penusah karam di darat 'angus' nyadi, urung jam 10.00 pagi tadi.

    Sapit Direktor Operasyen Bomba enggau Penyelamat Negeri, Tiong Ling Hii, madahka raban bomba bisi nerima kangau bekaul enggau penusah ke nyadi urung jam 10.21 pagi tadi. Berindik ari nya, enam iku raban bomba berumban ngesah ke palan penusah ke nyadi ngena perau aluminium ari Balai Song.

    Nitihka penerang ke diterima, pengelama dua jam raban bomba ari jelatong Song nuju ke palan penusah nyadi. Maya nya ripot 'official' bedau diterima.

    Rumah panjai pemanjai 31 pintu ke angus nya dikelala enggau nama Tuai Rumah Dagom Sangai, enggau diibun 256 iku orang.

    Naka kediatu, penyampau pengerugi enggau kebuah penusah nyadi agi dipansik.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads