Sigi diayan ke iya 'anak burung' nya - Berita Iban Online

Header Ads

  • Baru Nyadi

    Sigi diayan ke iya 'anak burung' nya

    Saspek mantaika utai pemalu iya ngagai saspek ba kaunter bebayar 'cashier' 

    BINTULU: "Enti iya enda nemu diri, enda patut lelaki nya nyau empat kali udah ngaga ulah baka nya," ku siku indu kereja nunsung duit 'cashier' ke tekenyit meda ulah siku lelaki ke mantaika utai pemalu iya sereta pansut ari zip tanchut maya iya deka bebayar ba kaunter sebuah kedai 'serbaguna' 24 jam, ditu, malam tadi.

    Indu nya enggai mantaika dokumen pengelala diri madah, penusah nyadi urung jam 8 malam nya, ti ngasuh iya tegepang ati enda lama, tang iya mujur berunding jampat enggau ngambi gambar lelaki ke ngaga ulah ke enda menuku ke dipechayaka kanji tauka gila seks nya.

    "Sebedau tu iya kala ngereja ulah ke sama, tang aku semina ngemataka aja laban aku nadai bukti ke ulih dipantaika aku ngagai bala kaban aku enggau bala opis ke megai tanggungpengawa, tang sekali tu aku sempat ngambi gambar iya. 

    "Aku ka ngaga ripot polis enggau mantaika gambar nya nyadika bukti enggau ngarapka raban polis ulih bejalaika pengawa mansik laban aku irauka pengelikun diri enti lelaki ditejuka pia aja," ku iya maya ke dirandau pengarang berita sehari tu tadi.

    Mansa madah, enti ngelamatu lelaki nya tama ke kedai nya enggau meli beberapa iti barang sebedau bebayar ba kaunter.

    "Maya datai ba kaunter, iya bediri baka orang ke enda nemu diri 'anak burung' tauka utai pemalu iya pansut ari zip tanchut ke dikena iya. 

    "Ulah ke digagak lelaki nya ukai semina kamah tang ngenakutka aku laban nangika iya berani agi ngereja pengawa lebih agi ari nya," ku iya.

    Ku iya ngelansa, kaban iya kala betemu enggau lelaki nya bejalai besemak kedai 'serbaneka' nya enggau nganu maya ulah ke digaga iya diperatika orang.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads