Siku anak mit lelaki 10 taun dijamah, dipasung apai angkat - Berita Iban Online

Header Ads

  • Baru Nyadi

    Siku anak mit lelaki 10 taun dijamah, dipasung apai angkat

    Gambar pengias.

    MIRI: Jai amat nasib siku anak mit lelaki, ukai semina dijamah aja tang dipechayaka dipasung apai angkat iya bepun ari bulan Ogos tu tadi.

    Ulah ti pemadu jai ti digagak saspek beumur 30-an nya tebantai pengudah mansa beumur 10 taun nya nusika penusah ke ditapi iya ngagai indai angkat iya ke beumur 30-an maya ke ngabas mansa ba Sepital Miri kena Hari Dua tu tadi.

    Nitihka orang ke meri penerang, mansa madahka diri selalu dipaluk saspek enggau dipasung mai ngaga seks kenyau ari bulan Ogos tu tadi.

    "Nya mih kebuah mansa balat bakal ba mua enggau tubuh nyentukka iya dianjung berubat ba Sepital Miri," ku iya.

    Ku iya, mansa enggau saspek sama bela diau ba kuarters perintah ba Miri, tang indai angkat saspek diau ba endur bukai laban udah sarak enggau saspek sebulan ke udah lalu.

    "Saspek pengudah nya ditan polis kena tengah hari kemari ba Balai Polis Miri kena bejalaika pengawa mansik," ku iya.

    Berebak enggau nya, pengari polis madahka saspek nya udah ditangkap enggau kes agi dipansik. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads