Header Ads

  • Berita Tebaru

    Siku baby lelaki ditinggalka kediri ba kedai puang

    KASIH AMAI: Baby ke ditinggalka ba kedai puang.

    JOHOR BAHRU: Bunyi siku anak mit (baby) lelaki nyabak ti ingar dipechayaka baru ada ke ditemu ba tingkat satu bangunan Terminal Larkin Sentral ditu, mujur nyelamatka iya empu ari parai lepi ba palan penusah ke nyadi, kemari.

    Pelindung Anak Mit Kebajikan Masyarakat (JKM) Johor Bahru, Zaid Ikhwan Lim, madahka baby nya dipechaya dibuai apai indai iya, ditemu siku lelaki ke bisi ba terminal nya urung jam 3.30 lemai.

    Ku iya, pengudah ninga munyi baby nyabak lelaki nya lalu ngiga enggau tetemuka siku baby lelaki ke nadai orang ngibun sebedau iya ngangauka polis.

    "Maya baby nya ditemu lelaki nya ba dalam pesetik ti kamah. Kami bedau nerima pemutus ripot bekaul enggau kes nya tang mansa diatu diperubatka ba  dalam wad Sepital Sultanah Aminah (HSA)," ku iya.

    Berebak enggau nya, Ketuai Polis Pampang Johor Bahru Selatan, Asisten Komisioner Shahurinain Jais, madahka nerima penerang ari siku lelaki (saksi) penatai ari Indonesia beumur 45 taun ke nemu baby nya.

    "Lelaki nya nemu baby nya nyabaj ba sebuah kedai puang di tingkat 1 Terminal Larkin, dalam kambut pesetik mirah enggau jari baby nya engkebut dipeda ari luar pesetik.

    "Dokumen pengelala baby lelaki nya agi bedau temu, nadai ngena gari, semina dibungkur ngena baju tang tali pusat baby nya agi bedarah dibalut ngena beberapa iti baju-T ba dalam pesetik ke sama.

    "Asil peresa dalam pesetik mirah nya, nadai tetemuka dokumen pengelala baby enggau mansa dibai ke klinik An Nur ba terminal nya ngambika ulih diperesa sebedau baby nya diripotka suman enggau nadai bakal ba sebarang endur tubuh," ku iya.

    Ku iya, baby nya ditemu ba palan puang di tingkat 1 Terminal Larkin ke bisi kedai puang enggau nadai dikena, naka ke diatu nadai saksi ke meda baby nya diengkah ba kedai nya.

    Ku iya; mansa dipechaya ada bedau datai 24 jam maya ke ditemu, dibai ke HSA ngambika ulih diperesa enggau diperubatka enggau silik agi sebedau dianjung ke JKM.

    "Mansa nadai bakal enggau dipechayaka bansa tambi (India) nitihka kelaie ari kulit iya, kes dipansik ari baruh Seksyen 317 Kanun Keseksaan ketegal ninggalka enggau deka muai anak mit beumur kurang 12 taun enggau orang mayuh ke bisu penerang dipinta madah ngagai raban polis kena mansik kes," ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: