Siku deriba lori ngaga simen parai, tepawah ba Kilometer 22, Jalai Marudi - Miri - Berita Iban Online

Header Ads

  • Baru Nyadi

    Siku deriba lori ngaga simen parai, tepawah ba Kilometer 22, Jalai Marudi - Miri

    KASIH AMAI: Mansa (gambar mit) diripotka parai ba palan penusah eksiden nyadi ketegal balat bakal.

    MARUDI: Siku deriba lori ngaga simen parai pengudah entukar ke ditepan iya tepawah ba Kilometer 22, Jalai Marudi - Miri, lemai kemari.

    Ketuai Opis Tasat enggau Penguasa Trafik Sarawak, Superintenden Alexson Naga Chabu, madahka penusah nyadi urung jam 2 lemai lemai nya pengudah mansa ke dikelala enggau nama David Banggai Anak Nyuak, 66 taun, benung nepan lori nya nurun bukit enggau nengah jalai betiku lebuh nuju ke Miri ari Marudi.

    "Lebuh datai ba palan penusah ke nyadi, mansa dipechayaka enda ulih nyaga lori ke ditepan iya lalu ngejung ke tepawah ke tisi jalai sepiak kanan," ku iya lebuh dirandau pengarang berita kemari.

    Mansa tesepit ba dalam lori nya dipansutka Raban Bomba enggau Penyelamat Malaysia sebedau dianjung ke sepital Miri.

    Berindik ari eksiden nya, mansa balat bakal ba pala enggau patah pah kiba diripotka parai ba palan eksiden nyadi.

    Kes dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads