Header Ads

  • Berita Tebaru

    "Siku indu bajik baka kumang ngibun aku," ku Stanley Kho

    Baka ke bisi utai nyelaie ba belakang raban SAR ba palan penusah ke nyadi.

    KUCHING: Pengelenyau siku lelaki pengelama tujuh hari pengudah niki Gunung Singai, Bau, hari satu tu tadi, ditemu selamat sehari tu tadi. Tang taja pia, bisi pekara ke nyelaie nyadi sepemanjai hari iya lenyau ba gunung nya. 

    Nitihka penerang ke diiyarka siti portal berita, Stanley Kho, 22 taun, madahka Raban Penyelamat (SAR), iya diibun siku indu sepemanjai iya tesat ba gunung nya.

    Gambar Pengias.
    Ku iya, indu nya chukup bajik baka kumang enggau sempat meri iya sepating bungai. Keterubah iya, iya betemu enggau indu nya lebuh belabuh niki ke gunung nya enggau alu nitihka indu nya laban tegepang ati pengudah meda pemajik indu nya. 

    Mansa madahka diri bisi ninga kangau Raban Ngiga enggau Nyelamat, enggau peranak menua nya. Tang mulut mansa enda ulih nyaut tauka mansutka jaku lebuh ninga kangau raban SAR, ku iya.

    Nitihka penerang ke diterima kami, Stanley ditemu selamat urung jam 8.10 pagi tadi, dipeda baka orang tusut runding enggau lemi tulang ba tisi sepiak kanan kaki gunung nya. Mansa diripotka bakal ba kaki enggau jari, iya semina ngena tanchut pandak enggau enda bebaju.

    Operasyen SAR dipejalaika kenyau ari hari satu tu tadi, laban deka ngiga enggau nyelamatka mansa, urung penyampau 300 iku orang ari agensi penyelamat datai nulong bejalai operasyen enggau mega dibantu peranak menua nya enggau persatuan niki bukit 'pendaki'.

    Mansa diripotka lenyau pengudah niki gunung nya kediri, urung jam 8 pagi hari satu tu tadi enggau ripot bekaul enggau pengelenyau mansa digaga urung jam  4.35 lemai hari sama.

    Nitihka pansik raban Berita Iban Online, raban pengarang kami bisi tepedaka bisi utai nyelaie ba gambar ke diambi ba palan penusah ke nyadi, lebuh mansa ditemu raban SAR.

    Peratika utai ba dalam gambar segala mirah nya. 📷#RTMSarawak

    📷#KMS

    Uji peretika nuan enggau silik ba dalam gambar segala mirah nya. Kati ku runding kita nama utai ke ba belakang mansa nya?. Nama baka ke bisi indu ba gambar ke lumor dua nya?.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: