Siku indu bakal ba mata, kaki pengudah dilantak sebuah kerita ba Jalai Lada - Berita Iban Online

Header Ads

  • Baru Nyadi

    Siku indu bakal ba mata, kaki pengudah dilantak sebuah kerita ba Jalai Lada

    Raban APM meri perubat tumu ngagai mansa ke bakal nya pengudah dilantak sebuah kerita. 

    SIBU: Siku indu bakal ba mata enggau kaki pengudah motosikal ke ditepan iya dilantak sebuah kerita ba Jalai Lada ditu, kemari.

    Penusah nyadi urung jam 2.18 lemai nya, sebuah kerita Toyota Vios dipechayaka deka tama ke sepiak jalai lalu ngelantak motosikal mansa.

    Pengari ari Raban Penyaga Pengelikun (APM) Pampang Sibu, Sarjan (PA) Jaffry Asai, madah raban APM bisi nerima kangau bekait enggau penusah ke nyadi nya urung jam 2.20 lemai.

    Ku iya, berindik ari oenerang ke diterima, empat iku raban APM Sibu berumban ngesah ngagai palan penusah kenyadi laban deka bejalaika operasyen nyelamatka mansa. 

    "Maya datai ba palan penusah nyadi, sembilan minit pengudah nya, raban APM tepedaka siku indu benung tegali ba atas jalai alun. 

    "Asil pansik tumu raban APM, indu nya bakal ba mata enggau kaki kanan iya ketegal eksiden nya," ku iya maya ke ditanya pengarang berita kemari.

    Jaffry ngelansa, deriba Toyota Vios diripotka selamat tauka nadai bakal ba tubuh. 

    Ku iya, raban APM pengudah nya meri perubat tumu ngagai mansa ke bakal nya sebedau dianjung ke Sepital Sibu kena bejalaika pengawa silik agi.

    "Raban polis mega dipadahka bekait enggau penusah nyadi ngambika ulih bejalaika pengawa silik agi," ku iya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads