Header Ads

  • Berita Tebaru

    Siku indu bakal, diachuk laki iya ba perut

    Siku indu Bangladesh bakal pengudah diachuk laki iya tiga kali ba perut ba sebuah rumah di Taman Bukit Teratai, Ampang, pagi tadi.

    AMPANG: Siku indu penatai ari menua Bangladesh bakal pengudah diachuk tiga kali ba perut ba sebuah rumah di Taman Bukit Teratai, ditu, urung jam 5.30 pagi tadi.

    Ketuai Polis Pampang Ampang Jaya, Asisten Komisioner Hamzah Alias, madah mansa beumur 26 taun diachuk laki iya empu ngena perengka tajam pengudah charut tauka belaya.

    Berindik ari nya, ku iya, saspek orang ke nadai dokumen pengelala 'Rohingya' penatai ari Myanmar ngelarika diri ari palan penusah nyadi.

    “Mansa datai ke Malaysia dua taun ke udah lalu, kawin enggau saspek nya.

    “Asil pansik silik, kededua seduai iya nadai ngembuan pasport tauka dokumen pengelala ke sah.

    “Asil peresa tumu ba sepital, mansa enda balat bakal enggau abi achuk nya enda tembus kena gelung perut.

    “Mansa dipindah ke wad 'biasa',” ku iya maya ke dirandau pengarang berita.

    Kes dipansik ari baruh Seksyen 324 Kanun Keseksaan.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: