Siku indu bakal kena rumpak ba kebun buah rungan - Berita Iban Online

Header Ads

  • Baru Nyadi

    Siku indu bakal kena rumpak ba kebun buah rungan

    Gambar pengias.

    BERUAS: Siku indu bakal dipechayaka diachuk siku lelaki ngena perengka tajam ba kebun buah rungan, Kampung Tengah, ditu, kemari.

    Ketuai Polis Pampang Manjung, Asisten Komisioner Muhammad Hanif Othman, madah penusah nyadi urung jam 7.45 pagi nya, mansa beunur 30-an sempat ngangauka 'tokey' iya sebedau ditemu dalam pendiau darah meachir-achir.

    "Saksi sempat ninga randau mansa enggau saspek sebedau talipaun binching dipadamka. Mansa dianjung ke Klinik Kesihatan Beruas sebedau diperubatka enggau silik agi ba Sepital Seri Manjung.

    “Menyadi tuai (abang) mansa mega bisi ba palan penusah ke nyadi madahka siku lelaki dipechayaka penatai ari Indonesia minta duit enggau nguji muka tanchut mansa,” ku iya.

    Ku iya, asil pansik tumu, mansa diachuk tiga kali ba perut sepiak kanan enggau kiba sereta ba patung kiba ngena perengka tacham.

    Berindik ari nya, polis bejalaika operasyen ngiga enggau nyidi saspek.

    Muhammad Hanif, madah lima lelaki penatai ari Indonesia ditan ba sebuah rumah kunsi besemak.

    “Kesemua saspek ditan urung jam 1 pagi tadi enggau dibai ke balai polis kena bejalaika pengawa mansik,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads