Header Ads

  • Berita Tebaru

    Siku indu bebadi nyawa, engkah tanda segi tiga ba kemudi kerita

    Mansa (gambar mit) pendiau ba palan penusah nyadi.

    KUCHING: Siku indu bebadi nyawa sepengudah dilantak sebuah kerita maya deka masang tauka engkah tanda segi tiga ba kemudi kerita iya ke eksiden ba Jalai Tun Ahmad Zaidi Adruce, Batu Tiga urung jam 7.45 pagi tadi.

    Ketuai Opis Tasat enggau Penguasa Trafik Sarawak Superintenden Alexson Naga Chabu, madah mansa dikelala enggau nama Loh Chai Sia, 37 taun bebadi nyawa maya diperubatka ba Sepital Perintah Sarawak (HUS) urung jam 10 pagi tadi.

    Ku iya, mansa balat bakal bapala enggau tubuh.

    “Sebedau penusah nyadi, mansa ngelantak kemudi sebuah kerita ke ngetu ngenyit ba palan penusah nyadi.

    “Berindik ari eksiden nya, maya mansa deka engkah tanda segi tiga ngambika ulih ngurangka jalai jam ba palan nyadi. Enda mukai-mukai iya dilantak sebuah agi kerita ke tepawah ketegal jalai alun ba palan nya lichin,” ku iya maya ke dirandau pengarang berita sehari tu tadi.

    Bangkai tauka tubuh mansa disua ke Opis Perubat Forensik HUS kena bejalaika pengawa buntas tasat.

    Kes agi dipansik ari baruh Seksyen 41(1) Akta Pengangkutan Jalan 1987.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: