Header Ads

  • Berita Tebaru

    Siku kerani bank betu ba lengan, talipaun pintar telebih cas

    Talipaun pintar Nur Filzah ke dipechayaka telebih chas. 📷#NurFilzah
    KUALA LUMPUR: Siku kerani bank betu ba lengan pengudah negu talipaun pintar iya ke dipechayaka telebih cas ba rumah iya di Seksyen 7, Shah Alam, tumu pagi kemari.

    Penusah nyadi urung jam 4.20 pagi nya nyu deka ngejung ke penusah angus nyadi lebuh tilam nyau ka angus, dipechayaka ketegal temperachur tinggi ari talipaun pintar nya.

    Nur Filzah Abdul Rahman, 24 taun, madahka talipaun pintar ke benung dicas diengkah iya ba atas tilam.

    “Aku ngecas talipaun pintar sebedau tidur. Ngelamatu aku engkah ba baruh 'lantai', tang malam nya aku engkah ba atas tilam sepiak kiba aku.

    “Aku dani kenyap urung jam 4.20 pagi pengudah berasai angat ba belakang rubuh. Lebuh ngalih ke kiba, aku teteguka talipaun enggau lengan aku berasai pedis. 

    Lengan kiba Nur Filzah betu pengudah negu talipaun pintar nya ke dipechayaka telebih cas.  📷#NurFilzah
    “Aku berumban ngidupka suis api bilik enggau pengudah terang, baru aku nemu bilik penuh asap enggau tilam aku udah berasap sereta bisi api mit,” ku iya lebuh dirandau pengarang berita sehari tu tadi.

    Filzah madah, tilam iya angus dipechayaka ketegal temperachur angat ari talipaun pintar nya.

    Iya enggau kaban ke serumah berumban ngambi sebeledi ai enggau nanjah ke ai nya ba atas tilam, kena nyeliahka penusah angus nyadi sebedau iya berubat ke sepital.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: