Siku lelaki bebadi nyawa, labuh ari puchuk kayu temedak - Berita Iban Online

Header Ads

  • Baru Nyadi

    Siku lelaki bebadi nyawa, labuh ari puchuk kayu temedak

    KASIH AMAI: Bangkai mansa ditemu ba baruh pun kayu temedak.

    KUANTAN: Siku lelaki bebadi nyawa pengudah labuh ari puchuk kayu temedak besemak perumahan Kilang Sawit Felda Jengka 8, Maran, ditu, kemari. 

    Ketuai Polis Pampang Maran, Deputi Superintendan Norzamri Abd Rahman, madah mansa dikelala enggau nama Mat Radzi Mat Isa, 40 taun, ke gawa kediri, dipechayaka labuh ari puchuk kayu temedak urung peninggi 9.1 meter nitihka bekau patah ba kayu nya.

    "Siku genturung pendiau tetemuka bangkai mansa enggau beberapa igi buah temedak ke betegaring, urung jam 2.30 lemai kemari.

    "Menyadi mansa mega madahka sepasang selipar madi tuai iya mega ke tinggal ba baruh pun nya," ku iya maya ke dirandau pengarang berita sehari tu tadi.

    Norzamri ngelansa, menyadi biak mansa madahka mansa (menyadi tuai) pansut ari rumah urung jam 10 pagi lalu nadai pulai ke rumah pengudah sarak enggau bini iya kena Hari Satu tu tadi.

    Asil buntas tasat ke dipejalaika ba Sepital Jengka malam kemari, mansa midang ketegal labuh ari puchuk kayu ti tinggi lalu ngejungka iya balat bakal ba dada. 

    Ku iya, asil pansik tumu, nadai bekaul jamah ba tubuh mansa enggau kes nya diklasifikasi nyadi parai ngenyit.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads